Басты жаңалықтар
"Жас көшбасшылар жоқ па?": Сырымбек Тау 13 жылдан бері басшысы ауыспаған “Ақжол” партиясын сынға алды
"Respublica" партиясының тең төрағасы Сырымбек Тау партиялар арасындағы пікірсайыста “Ақжолдықтарды” састырды. Ол сұрақ-жауап кезеңінде неліктен партия басшысы 13 жылдан бері орнынан түспегенін сұрады деп хабарлайды Stan.kz ақпарат агенттігі.
Фото: Qazaqstan.tv
7 партия арасындағы алғашқы теледебат “Қазақстан” телеарнасында тікелей эфирде көрсетілді. 4 кезеңнен тұрған пікірсайыс 70 минутқа созылған. Екінші кезеңде "Respublica" партиясының тең төрағасы Сырымбек Тау "Ақ жол" демократиялық партиясы төрағасының орынбасары Берік Дүйсембиновке сұрақ қойды. Яғни ол 13 жылдан бері Азат Перуашевтің неліктен орнын босатпай отырғанына тоқталған.
"13 жылдан бері "Ақжолда" басшы неге ауыспаған? Қазақстанда, тіпті Президенттің өкілеттігі 7 жылмен шектелген. Неліктен сіздің партияңызда бір ғана адам лидер болуы керек? Басқа жас және белсенді көшбасшылар шынымен жоқ па?", - деп сұрады.
Берік Дүйсембинов бұл сауалға былай деп жауап берген.
“Біздің партия Қытайда қамалған қазақтарға ең бірінші араша түсті. Мәселе басшының өзгеруінде емес. Соңғы екі жылдың ішінде Азат Перуашов 500 түзету енгізді. Партиядағы адамды ауыстыру керек екен деп, жөнсіз кез-келген адамды алмаймыз ғой. Жалған кәсіпкерлік деген заңға біздің 9 жыл уақытымыз кетті. Біздікі жүйелі жұмыс. Мәжіліске кіргенен кейін нақты істі көресіздер”, - деді ол.
Еске салайық, Stan.kz бұған дейін “Байтақ” партиясының төрағасы Қазақстан Халық партиясының басшысы Ермұхамет Ертісбаевты қазақша білмейді деп сынағанын жазған еді.
Талқылау
"Әйелдерді ылғи ұрысқақ, долы, толық етіп көрсетеді": Қоғам белсенділері қазақ киносындағы әйелдің образы неге өзгермейтінін талқылады
Айгерім Құсайынқызы: "Отандық өнімдер әйелдің рөлін тұрмыстық шеңберден асырмайды
Алматыда күзетші мейрамханаға келген қызды сүйреп шығарып жіберген: Көпшілік ресторанға бойкот жариялады
The Theater қызды шығарып жіберудің себебі не екенін айтудан бас тартты