"Сымбатты кетірдің, ұл мен келінді бөлек шығардың": Абай Бегейдің әйелі туған-туыстың сөздерінен шаршағанын айтты

Танымал әнші Абай бегейдің әйелі, блогер Фариза Жұманова ел алдында жан сырын ақтарып, жылап қалды. Бұл туралы Stan.kz ақпарат агенттігі хабарлайды. 

Фото: https://www.instagram.com/fari___za____zhan/

Абай Бегейдің 16 жастағы қызының тұрмысқа шыққанына көпшілік оның әйелінің діни көзқарасын айтып, кінәлаған еді. Жақында Абай Бегейдің үлкен ұлы келіншегімен бөлек шықты. Осы жағдайға да туысқандары әйелін кінәлаған. Әншінің жұбайы жеке парақшасында жылап, жан сырын ақтарды.  

"Қасқырдың аузы жесе де, жемесе де қан. Қаншалықты осыған шыдар екем?! Қашып кететін жер бар ма?! Мені барлық нәрсеге кінәлау жеңіл шығар. “Сымбатты кетірдің, Жалғас пен келінді сыйдырмадың” деп ойлауға миы жеткен туыстар, аман болыңдар. Басқа айтарым жоқ. Менің естіген рақметім осы болса, жақсы. Бүгін өзіме қатты жылап, ішкі дүниемді шығаруға рұқсат бердім. Әлеуметтік желі аздай, бүгін жақын адамым мені қатты сындырды. Әр нәрсеге қайыр бар, енді мен одан да мықты боламын", – деп жазды Фариза Жұманова.

• "Ысырап етпедік": Абай Бегейдің жары жақында ұзатылған қызының жасауына пікір білдірді

• "Айтқанына көнетінмін": Абай Бегейдің әйелі ер мен әйелдің қарым-қатынасына қатысты ойын бөлісті

Еске салайық, блогер әншіге тұрмысқа шығарда қыздарының да қарсы болғанын жасырмаған еді. 

“Қыздар екі жылдай менімен сөйлескен жоқ. Әкелерін қызғанып, маған да реніштері болды. Қазіргідей қарым-қатынас құру үшін көп уақыт керек екен. Әркімнің өз анасы бар. Мені “Апа” деп атады”, – деген еді блогер келіншек. 

Фото: https://www.instagram.com/fari___za____zhan/

Бұған дейін, Абай Бегейдің әйелі балаларын шариғат жолымен ғана тәрбиелейтінін жасырмаған еді.