Шымкенттегі әйгілі мейрамхана палауының ішінен шеге шықты
Шымкентте аты танымал мейрамхана палауының ішінен шеге табылған.
Бұл туралы Инстаграмдағы @kritika_shymkent аккаунтында жария етілді. Ондағы ақпаратқа сүйенсек, клиент 10 порция палауға тапсырыс беріп, дайын болған соң оны үйге алып кеткен.
“Кеше Момышұлы көшесінің бойында орналасқан “Көксарай” кафесінен 10 порция палау сатып алдым. Сервис “керемет” – 5 минут күтіңіз деді де, тапсырысты 15 минуттан соң алып келді. Бірақ, ол әлі басы ғана екен. Палауды жеп жатқан кезде күтпеген тосынсый – ШЕГЕ шықты. Не деген керемет сервис – тапсырыс бересің, тамақты жейсің, сосын құрылыс материалын тегін алып кетесің. Бірақ, маған шеге керек емес, сол себепті бүгін алып барып әкімшіге салтанатты түрде табыс еттім”, – деп жазады автор.
Талқылау