Шымкентте жайдары мінезді кондуктор жолаушылардың көңілін көтеріп жүр
Шымкенттік желі қолданушылары біраздан бері көңілді кондукторды іздестірумен болған. Жолаушылардың көңілін көтеретін кондуктор қалалықтарға ұнап қалған.
Мадиярға “Отырар” телеарнасы ұялы телефон мен алғыс хат сыйлады
Бұл туралы otyrar.kz хабарлайды.
Мадияр Сұлтанбаев 74 бағыттағы автобустың кондукторы болып жұмыс істейді.
“Кім бүгін көңілсіз, сол билет алмайды! Ал бұл мүмкін бақытты билет шығар! Күліңіздер! Бақытты жіберіп алмаңыздар!”, “Жастар, қарт кісілерге орын берейік! Мұнда қыз, өте сыпайы әрі әдепті, ол орын босатқысы келеді” деген секілді сөздермен ол жолаушылардың көңілін көтеруде әдетке айналдырған.
“Ауылдың баласымын. Өзімнің келіншегім, екі балам бар. Барлық адамдар көңілді тұрса деймін. Егер бір адамның көңілін көтеріп жіберсең бұл да көмек болады. Мүмкін сол күлкіден соң ол адамда үлкен өзгеріс болатын шығар. Бірақ, біздің автобустарға адам көп мінетіндіктен, олардың бәрінің көңілін ойдағыдай көтеру өте қиын. Мен туралы айтып, бағалап жатқан адамдарға айтар алғысым шексіз”, – дейді Мадияр.
Журналистке сұхбат бере салысымен, Мадияр Суранбаев бірден 74 бағыттағы автобус жұмысына қарай асықты. Енді ол осындай сенімнен кейін, бұрынғыдан да жоғары жауапкершілікпен жұмыс істеймін дейді.
Оқи отырыңыз:
91 тобының қарағандылық тыңдармандары концертте топқа ән айтуға мүмкіндік бермеді (видео)
Луина: Мен ашық-шашық киіммен әдейі суретке түсемін
Ринат Зайытов: Ақынды төрт дөңгелекті темірмен өлшейтін дәрежеге жеттік
Карина Абдуллина ұлын Болат Сыздықовтың атына жаздырғанын айтты