ШҚО-да желіге әдепсіз суреттерін жариялаған шенеуніктер жазаланды (фото)
Мониторингтің нәтижесінде, мемлекеттік қызметкерлердің әлеуметтік желідегі парақшаларынан мемлекеттік қызметтің беделіне нұқсан келтіретін 309 сурет анықталды. Ақырында 51 шенеунік тәртіптік жауапкершілікке тартылды.
Бұл туралы YK-news.kz хабарлады.
Тексеріс барысында ШҚО шенеуніктерінің бос уақытта асыр салып көңіл көтеретіндерін анықталды. Бұған желіде тарап кеткен суреттер дәлел.
«Облыстық басқармалар мен департамент басшылары әлеуметтік желіде көңіл көтеретін жерлерде ішімдік ішіп отырған суреттерін жариялаған. Облыстағы жануарлар әлемін қорғаумен айналысатын бір мемлекеттік қызметкер аңшылықта жүрген суретін желіге жүктеген. Онда ол жабайы құстың тұлышы мен атыс қаруын ұстап тұр», – дейді ШҚО жемқорлыққа қарсы күрес және мемлекеттік қызмет бойынша департаментінің бас маманы Жанболат Муглиев.
Ал аудандық білім бөлімінің қызметкері желідегі парақшасында шетел валютасындағы қомақты қаржысымен мақтанған.
«Мемлекеттік қызметкерлер арасында бұдан өзге де дүниелермен «мақтанғандар» көп. Олар шетелге сапары барысында, қымбат автокөлік пен интерьер жанында түскен суреттерін елге көрсеткен», – деп түсіндірді Жанболат Бейбітұлы.
Мониторинг қорытындысы бойынша, кінәлі деп танылғандар тәртіптік жауапкершілікке тартылған.
Жіберіп алмаңыз:
ОҚО-да жұмыспен қамту басқармасы басшысының орынбасары парамен ұсталды (видео)
Елімізде діни-жоралғылар бір тәртіппен өткізілетін болды
Талдықорғанда шенеунікті шапалақпен ұрған шаруа сотталып кетті
Павлодарда премьер Сағынтаевтың қолынан пәтер кілтін алған отбасы далада қалғалы тұр