Полиция өкілдері қыздың өліміне қатысы бар деген күдіктінің жеке басын анықтады. Ведомство қылмыстық кодекстің 99-бабының 1-бөлігі (Адам өлтіру) бойынша қылмыстық іс қозғады.
“Күдіктінің жеке басы анықталды. Алдын ала мәліметтерге сәйкес, ол марқұммен бұрын таныс болған. Қазір оны ұстап, қылмыстық жауапкершілікке тарту үшін барлық қажет жедел-іздестіру іс-шаралары жүргізіліп жатыр”, – делінген полиция хабарламасында.
Otyrar.kz порталы таратқан бейнежазбадан тәртіп сақшыларының қолында бейнебақылау камераларынан алынған жазба барын көруге болады.
Қазір күдіктіге іздеу жарияланды, оған қатысты жедел-іздестіру іс-шаралары жүргізіліп жатыр.
Полиция азаматтарды расталмаған ақпаратты таратпауға және тек ресми дереккөздерге сенуге шақырды.
