Қазақстандық ер адам әлеуметтік желіде тікелей эфирге шығамын деп 2 жылға сотталды
Фото: Рexels.com
Шымкент қаласының қылмыстық істер жөніндегі мамандандырылған ауданаралық соты жергілікті тұрғынға қатысты істі қарады. Ер адам онлайн платформа арқылы ұлтаралық араздықты қоздырып, үгіттеді деп айыпталды. Бұл туралы Stan.kz ақпарат агенттігі хабарлайды.
Іс материалына сенсек, сотталушы 2025 жылы сәуір айында өз парақшасында тікелей эфирге шыққан.
“Трансляция барысында ол өзге ұлт өкілдерін қорлайтын сөздер айтқан. Іс қылмыстық кодекстің 174-бабының 1-бөлігі (Ұлттық алауыздықты қоздыру және үгіттеу) бабы бойынша қаралды”, – делінген хабарламада.
Прокурор соттан оны бас бостандығынан айыруды сұрады. Ал айыпталушы өз кінәсін мойындап, соттан бас бостандығынан айыру жазасын тағайындамауды өтінді.
Сот оның кінәсін мойындауын және өз ісіне өкінуін жазаны жеңілдететін мән-жай ретінде ескерді. Соған қарамастан, сот айыпталушыға екі жыл алты ай мерзімге колонияға қамау жазасын тағайындады. Үкім әлі заңды күшіне енген жоқ.
“2 миллиард теңгеге жуық“: Қазақстан өңірлері 2026 жылды қарсы алуға қанша қаражат жұмсайды?
Алайда биыл елордалықтар жергілікті бюджет қаржысын үнемдеген көрінеді
"Өліп қала жаздаған кездерім болды": Қарызға батып жезөкше болған қазақстандық табысы туралы айтты
Ләйлә: "Жетім қыздар, күйеуге шығайын деп жүргендер, бұрынғы күйеуінің несиесін төлеп жүргендер бар"