Шаштаразшы жігіт гейлерден өш алу үшін серіктестеріне әдейі дерт жұқтырған
27 жастағы жігіт 5 адамға ЖИТС дертін жұқтырғаны үшін кінәлі деп танылды.
Оқиға Эдинбургте болған. Дарилл Роу есімді жігіттің көздегені гей-бірлестіктен кек алу болған. Ол өзінің бұрынғы серіктесінен дерт жұқтырыпты. Кейіннен емделмей тұрып өзгелерге де жұқтырмақ болады. Осылайша 1 жарым жылдың ішінде 5 адамды дертті етеді. Одан өзге жақындасқан 5 адамына дерті жұқпаған.
Дарилл серіктестеріне қатынас кезінде сақтанбауды қалайтынын айтады. Оған көп жігіттер келіспейді. Сондықтан ол мүшеқаптарға алдын ала дерт вирустарын жұқтырып қоятын болған. Ең қызығы, ол қатынастан соң серіктестеріне өзінің ЖИТС-пен ауыратынын айтқан. Серіктестерің бәрі полицияға арыз жазған. Күдікті қашып кетпек болғанымен, полицейлердің қолына түсті.
Сотта Дарилл серіктестерін танымайтынын айтып, жала жапқанын жеткізді. Алайда тексеру мәліметтеріне сәйкес оның кінәлі екені дәлелденді. Оған қатысты сот үкімі шыққан жоқ. Бірақ сот төрешісі оның өмір бойына бас бостандығынан айырылуы мүмкін екенін ескертті.
Тағы да оқыңыз:
14 жастағы қыз iphone телефонының кесірінен көз жұмды
Жүк көлігінің ұшып кеткен дөңгелегі өзге жүргізушіні қағып өлтірді