Шаш бояуының қауіптілігі анықталды
Шаш бояуы бастың жасырынып жатқан аллергиясын қоздыруы мүмкін. Бояудың кері әсері салдарынан бас терісінің ісуі, оның шіруі пайда болып, бұған қоса ол шаштың түсуіне де әкеп соғуы да ғажап емес, деп хабарлайды Stan.kz ақпарат агенттігі.
Ресейлік трихолог-маманның айтуынша, шаш бояуы кейбір жағдайда бас терісіне кері ықпалын тигізуі әбден мүмкін. Бояу, тіпті, адамның иммундық жүйесін төмендетуге әсер ететін көрінеді.
Алайда бұл жағдай жиі байқалмайтын құбылыс екен. Маманның айтуынша, мұндай жағдайды болдырмас үшін тексерістен өткен шаш бояуының маркасын пайдалағнған жөн.
Сөзінше, бояуды шашқа жақпас бұрын алдымен оны тексеріп алу қажет.
«Бояуды бірден шашқа жағуға болмайды. Алдымен оны қолыңызға немесе білегіңізге жағып, тері реакциясын тексеріп көріңіз. Егер бояуды қолданғаннан кейін қолыңыз қышып, қызара бастаса, одан бас тартқаныңыз жөн», - деді ресейлік дәрігер.
Талқылау