Биыл – Қызылорда тұрғыны, көпбалалы ана Жанар үшін сәтті жыл. Себебі ол лотереядан 156 миллион теңге ұтып алды. Әкесіне деп лотерея билетін сатып алған Жанар алғашында жеңісіне сене алмады. Кейін бұл ұтыс отбасын қаржылай еркін ететінін әрі бірқатар арман-мақсатын орындайтынын түсінді. Жанар ұтып алған ақшаға Алматыдан пәтер сатып алатынын айтты. Ал оған осындай мүмкіндікті сыйлаған – "Сәтті Жұлдыз" ұлттық лотерея компаниясы.

Биыл лотерея қатысушыларына естен кетпес жарқын сәттер сыйлады. Мәселен, бұған дейін Жанар сияқты мұндай сомадағы қомақты қаржыны Қазақстанда ешкім ұтып алмаған. Оған қоса “Сәтті Жұлдыз” ұлттық лотереясы кейінгі бір жылда жеңімпаздарға жалпы 23 миллиард теңге, 15 пәтер, 16 көлік сыйлап үлгерді. Еліміздің 163 азаматы бір сәтте миллионер атанып, қаржылай еркін болып, тұрмыс жағдайын жақсартты, армандарын іске асырды.

“Біздің билеттеріміз лотереяға қатысатындардың жаңа өмірінің бастамасы бола алатынына қуаныштымыз. Биыл да біз лотереяларымыздың шынайы, әділ, ашық әрі қауіпсіз екенін дәлелдедік”, – дейді компания Президенті.

Ашық қызмет пен халық сенімі

"Сәтті Жұлдыз" компаниясының қызметі жөнінде БАҚ-та түрлі жаңсақ ақпарат тарады. Дегенмен “Сәтті Жұлдыз” ісін ашық жүргізіп, шынайы, заңды әрі жауап қызмет ететінін дәлелдеді. Сөйтіп олар халық арасындағы өзінің беделін одан әрі нығайта түсті. Мәселен, “Сәтті Жұлдыз” ұлттық лотереясы Дүниежүзілік лотерея қауымдастығының (WLA) және Еуропалық лотерея қауымдастығының (ELA) мүшесі болып саналады. Бұл ұйымдарға тек халықаралық стандарттарға сай келетін, қауіпсіз, ісін заңды, ашық, жауапты атқаратын компанияларға мүше бола алады.

Компания бірде-бір рет ұтысты бермей қойған немесе кешіктіріп берген, бас тартқан кезі болмаған. Кейінгі 8 жылда олар ұтыс ретінде жалпы 870 миллиард теңге берген. Ал мемлекет қазынасына 18,8 миллиард теңге салық төлеген.

”Сәтті Жұлдыз” қызметін, әрбір операциясын реттеуші органдар тіркеп, бақылап отырады. Мәселен, олар Қазақстанның Қаржы министрлігі Мемлекеттік кірістер комитеті, Бәселестікті қорғау және дамыту агенттігі және жыл сайын PWC аудиті тексеріп отырады.

Әлеуметтік жауапкершілік сезінетін ұлттық лотерея

“Сәтті Жұлдыз” елде болып жатқан түрлі әлеуметтік жағдайларға да алаңдайды әрі әлеуметтік жауапершілікті сезінеді. Сол себепті олар қайырылымдық және тағы басқа қорларға қаржы бөліп, қазақстандық азаматтарға барынша қолдау көрсетеді. Мысалы, компания екі жылда “Қазақстан халқына” қорына 6,3 миллиард теңге, Спортты қолдау қорына 14,1 миллиард теңге бөлді. Бұл ақша медицина құрылғыларын, дәрі-дәрмек алуға, спорт іс-шараларын қолдауға жұмсалды.

Фото: Сәтті жұлдыз

Ұлттық лотерея өз бастамасымен көптеген әлеуметтік маңызы бар жобаларды қаржыландырып келеді. Мәселен, мұндай жобаларға компания 1,2 млрд теңге жұмсап үлгерді.

“Сәтті Жұлдыз“ қолдайтын тағы бір маңызы бар әлеуметтік жобалардың бірегейі – "100 ауыл". Авторы Сергей Цырульников – қазақ палуаны, әлемнің төрт дүркін рекордсмені, Гиннестің рекордтар кітабының рекордсмені және Қазақстанның алты дүркін рекордсмені. Жоба тәрбиелік сипатқа ие шеберлік сабақтарын, ашық жаттығулар мен мотивациялық кездесулер өткізу арқылы еліміздегі ауыл жастарымен жұмыс істейді. Кейбір өңірлерде мотивациялық кездесулерге Олимпиада чемпиондары, әлем және ел чемпиондары қатысты. Айта кету керек, Мемлекет басшысы Қ.К.Тоқаев Қазақстан халқы Ассамблеясының XXXII сессиясында "100 ауыл" жобасының маңызын ерекше атап өтті.

Келесі жоба – “Сұлу – бақытты балалық шақ мекені”. Бұл жобаның мақсаты – Қазақстанның түрлі өңіріндегі балаларға эстетикалық гимнастикадағы өз қабілетін ашуға мүмкіндік беру, спорт, шығармашылық пен тәртіпті үйлестіретін гимнастика өнерін дамыту, өңірдегі балаларға гимнастика спорт түрін қолжетімді ету, салауатты өмір салтын насихаттау. Жаттығулар мемлекеттік мектептерде өтеді. “Сәтті Жұлдыз” сияқты демеушілердің қаржысына спортқа қажет заттар алынды. Бүгінде бұл жоба Қазақстанның алты облысын – Абай облысын, Қарағанды облысын, Ақмола облысын, Павлодар облысын, Қостанай облысын, Батыс Қазақстан облысын қамтып отыр. Қазір оған 400-ден аса бала қатысады, оларды 11 бапкер жаттықтырады.

Фото: Сәтті жұлдыз

Сонымен қатар бұл жоба өз нәтижесін көрсетіп те үлгерді. Мәселен, 2023 жылғы маусымда және 2024 жылғы қазанда Астанада екі республикалық байқау өтті. Онда әр өңірден қатысқан балалар өнерін көрсетіп, жүлделі орындарға ие болып, жеңістің дәмін сезді. Бүгінде 56 бала ІІ спорттық разрядты, 47-сі ІІІ разрядты, 16 қатысушы І жасөспірімдер разрядын алды. Бұл жетістіктер бағдарламаның тиімді екенін, балалардың ынтасын ашатынын көрсетеді.

“Біздің әр билетіміз жеңіске мүмкіндік қана емес, біздің қоғамды дамытуға қосатын үлесіміз. Осылай, елімізді жақсы жаққа өзгертуге септігіміз тиетініне қуаныштымыз”, – дейді компания Президенті.

Фото: Сәтті жұлдыз

Жаңа жобалар мен инновациялар: болашаққа қадам

2024 жыл – "Сәтті Жұлдыз" компаниясы үшін технология жаңашылдық пен жаңа мүмкіндікке толы кезең. Компания қатысушылары лотереяға оңай, қызық әрі ыңғайлы қатыса алуы үшін қызметінде заманауи технологияларды белсенді енгізіп жатыр. Жылдың басты жетістігінің бірі — "Жеңіл терминал" мобильді қолданбасы. Бұл инновациялық шешім қай жерде болсаңыз да, лотерея билеттерін жылдам әрі қауіпсіз түрде сатып алуға мүмкіндік береді. Қолданбаның интерфейсі ыңғайлы әрі қарапайым етіп жасалғаны соншалық, оны кез келген адам қолдана алады.

Бұл бастамалар — технология жаңғыртуы жолындағы алғашқы қадамдар. Компания заманауи ойыншылардың сұраныстарын қанағаттандыру үшін және өз саласында көшбасшы болу үшін цифрлық инфрақұрылымды одан әрі дамыта бермек.

Қорытындылай келе, "Сәтті Жұлдыз" адал әрі шынайы жұмыс істейтінін, жауапты екенін, қоғамды дамытуға үлес қосып жүргенін тағы бір мәрте дәлелдеді. Компания келешекте қазақстандықтарды қуанышқа бөлеп, елді жақсы жаққа өзгертетін жаңа жетістіктер сыйлап, жаңалықтар мен жобаларды дайындамақ. Сол себепті “Сәтті жұлдыздан” сатып алған әрбір билетіңіз – қомақты сыйақы ұту мүмкіндігі әрі Қазақстанды көркейтуге қосқан ұту мүмкіндігі. "Сәтті Жұлдызбен" бірге табысты болыңыз!

Талқылау