Сәтбаев әкімдігінің қызметкері құмар ойынға 16 миллион теңге бәс тіккені үшін жұмыстан босатылды
Фото: Ru.freepik.com
Ұлытау облысында сыбайлас жемқорлыққа қарсы заңнаманы бұзғаны үшін мемлекеттік қызметкер жұмыстан босатылды. Бұл туралы Stan.kz ақпарат агенттігі хабарлайды.
Сыбайлас жемқорлыққа қарсы іс-қимыл туралы” заңға сәйкес мемлекеттік қызметкерлер бірқатар сыбайлас жемқорлыққа қарсы шектеулерді сақтауға міндетті. Сондай-ақ оларға телекоммуникациялық желілер мен интернет ресурстарда өткізілетін құмар ойындарға және бәс тігуге қатысуға тыйым салынады.
“Тексеріс кезінде Сәтбаев қаласы әкімдігінің бас маманы аталған талаптарды жүйелі түрде бұзып келгені анықталды. “1XBET” және “OLIMPBET” букмекерлік кеңселерінің ресми мәліметтеріне сәйкес, ол букмекерлік кеңселерге шамамен 16 миллион теңге көлемінде ақша аударып, бәс тіккен”, – деп мәлімдеді бас прокуратура.
Заң бұзған мемлекеттік қызметкер жұмысынан босатылды.
Талқылау
"Мықты еркек қана көп әйел ала алады": Тоқал болуға келіскен қазақстандық өмірінен сыр шертті
Кейіпкер: "Жылылықты таппаса екіншіні, үшіншіні, тіпті төртіншіні де іздей бастайды"
"Тегін тамақ беріп, емдік шөптің тамырын тауып әкелді": Оңтүстік Кореяға ем іздеп барған қазақстандық қыз күтпеген жерден кәріс ата-әже тауып алған
Құралай: “Олар бүгіннен бастап сен менің қазақстандық қызымсың, бұл менің немерем” деді