"Кейбір өңірлерде уақытты екі сағат алға жылжытсын": Қазақстанда тағы бір петиция пайда болды
Epetition.kz порталында Қазақстанның біртұтас уақыт белдеуіне қатысты жаңа петиция жарияланды. Бұл туралы Stan.kz ақпарат агенттігі хабарлайды.
Фото: Pixabay.com
Петиция авторлары жаңа құжат "Уақытты кері қайтару" петициясына ұқсас емес дейді. Өйткені олар кейбір аймақтардағы уақытты екі сағатқа алға жылжытуды сұрап отыр.
"Қазақстанның орталық және шығыс облыстары мен қалаларында, соның ішінде Астана, Алматы, Шымкент қалаларында электр энергиясын үнемдеу үшін уақытты 2 сағатқа жылжытуды талап етеміз", – делінген петицияда.
Олар халықаралық тәжірибеге сүйенген. Бразилияда билік энергия тұтынуды азайту үшін жазғы уақытты қайтарды. Ірі су электр станцияларындағы су деңгейі төмендегендіктен, Бразилия электр энергиясын импорттап, тұтынушылар үшін тарифтерді көтеруге мәжбүр.
Қарашадан ақпанға дейін сағат тілін бір сағат алға жылжытса, күн көбірек жарық болады және кешке желіге түсетін жүктемені азайтады. Бұл бастаманы мейрамхана саласының өкілдері қолдап, бұл тұтынушылардың санын көбейтіп, кірісті кем дегенде 10% арттырады деп отыр.
“Бұл еліміздің орталық және шығыс өңірлерінің, соның ішінде Астана, Алматы, Шымкент қалаларының тұрғындарына қатысты. Күннің ерте батуына байланысты электр энергиясы көбірек қолданылып жатыр. "АлматыЭнергоСбыт" хабарлағандай, шілде-тамыз айларында электр энергиясын тұтынудың өсуінің негізгі себебі – тез кеш батуы", – деп жазады авторлар.
Мысал ретінде Шығыс Қазақстан облысы келтірілген, қазір 16:20-да қараңғы түседі, ал қыста 15:20-да кеш батады.
"Түнгі уақытта қылмыстық оқиғалардың саны артады. Алматы қаласы 85% ғана жарықтандырылған. Тиісінше, күн сәулесі түскі асқа дейін ұзағырақ болса, қауіпсіздеу болады", – деп жазады авторлар.
Еске салайық, бұған дейін депутаттар уақыт белдеуі мәселесі мәжіліс отырысында қаралатынын айтты. 1 наурызда Қазақстанның барлық аймағы бір уақыт белдеуіне ауысты. Алайда бірыңғай уақыт белдеуіне көшкеннен кейін қазақстандықтар жарыққа көп шығындалатын болды. Наурызда ел тұрғындары ақпан айымен салыстырғанда электр энергиясын 364 млн кВт/сағат артық пайдаланған. Бұдан бөлек бірыңғай уақыт белдеуіне қарсы петиция 50 мың қол жинағаны туралы жазған едік. Ал министрлік бірыңғай уақыт белдеуіне қарсы петицияны қанағаттандырмай қойды.