Руслан Берденов Шымкент қаласы әкімінің орынбасары қызметінен кетті
Фото: gov.kz
Руслан Берденов Шымкент қаласы әкімінің орынбасары қызметінен кетті. Бұл туралы Stan.kz ақпарат агенттігі хабарлайды.
Бұл туралы Шымкент қаласының әкімдігі мәлімдеді.
“Руслан Берденов өзінің өтініші бойынша Шымкент қаласы әкімінің орынбасары қызметінен кетті. Ол бұл қызметті биылғы жылдың ақпан айынан бері атқарып келген”, – делінген хабарламада.
Айта кетейік, Берденов қызметінен кетпей тұрып, Шымкент әкімінің екі бірдей орынбасары тағайындалған еді.
Еске салайық, 21 сәуір күні Руслан Берденовке Шымкент қаласы әкімдігі ғимаратының алдында қастандық жасалып, ол ауыр оқ жарақатымен ауруханаға жеткізілген еді. Қастандық жасады деген күдікпен қалалық құрылыс басқармасына қарасты "Тұрғын үй Шымкент" ЖШС-нің бұрынғы директоры Ернар Жиембай ұсталды.
20 тамызда Шымкент соты Руслан Берденовке шабуыл жасаған Ернар Жиембайды кінәлі деп танып, 9 жылға бас бостандығынан айырды.
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
