Роналду Мессиді ең мықты футболшы деп мойындады

Танымал британдық журналист Пирс Морган португалиялық шабуылшы Криштиану Роналдумен әңгімесін есіне алды. Сөзінше, футболшы жақсы әсер қалдырған. Бұл туралы Stan.kz ақпарат агенттігі хабарлайды.

Журналистпен сұхбатында Роналду Мессиді ең мықты футболшы деп атапты.

"Мен Криштианумен әңгімелестім. Үш жыл бұрын мен онымен сұхбаттасқаннан кейін кешкі ас іштік, бұл өте керемет әңгіме болды және ол маған адам ретінде өте ұнады. Ол Мессиді ерекше құрметтейтін. Мен одан "Сіз үшін ең жақсы ойыншы кім?" деп сұрадым. Ол "Месси, бірақ бұл дұрыс емес сұрақ, менен ең жақсы ойыншы кім деп сұрама..." деп жауап берді. Сондықтан бұл мені күлдірді”, – деді журналист.

Сөзінше, олар Роналду, Роналдиньо, Джордж Бест, Пол Гаскойн сияқты көптеген ұлы ойыншылардан айырмашылығы туралы айтты. Роналду Месси екеуінің айырмашылығы мансаптарының ұзақтығында екенін айтыпты.

“Месси мен Роналду 18-19 жыл мансабының шыңында болды. Бұл  –олардың керемет физикалық дайындығының және бір-бірін үлкен биіктерге итермелейтін бәсекелестіктерінің дәлелі. Менің ойымша, бұл кез келген спорттағы ең үлкен бәсекелестіктердің бірі, сондықтан біз олардың болғанына өте қуаныштымыз", – деді Морган.

Қазіргі уақытта Роналду Сауд Арабиясының "Аль-Наср" клубында, ал Месси америкалық "Интер Майамиде" ойнайды.