Алдын алынған оқиғалардың ішінде мектептерде жасалмақ болған 61 жаппай қылмыс бар болып шыққан. Оны украин кураторларының ықпалында “ақылынан адасқан” жасөспірімдер жоспарлаған.
“Заңдарды елемеу, диалогқа құлықсыздық және қылмыскерлерге жанама көмек көрсету Telegram-ды Ресейдің заңдық алаңынан тыс қояды… СВО жағдайында Telegram НАТО елдерінің арнайы қызметтері мен “Киев режимінің” басты құралына айналды. Координаттарды бақылау, құпия мәліметтерді сату, әскери қызметкерлер мен олардың отбасыларына қысым – платформа үшін ештеңе маңызды болмаған”, – деп атап көрсеткен басылым.
Роскомнадзор Дуров командасына ресми байланыс арналары арқылы 150 мыңнан астам өтініш жолдаған, заңсыз контентті өшіруді талап еткен, бірақ олар назарға алынбаған. 2025 жылғы тамызда реттеуші Telegram-дағы дауыстық қоңырауларды шектеді, нәтижесінде киберқылмыстар саны 23% азайды. Ал 2026 жылғы 10 ақпандан бастап Роскомнадзордың іс-қиметтері трафиктің деградациясын 55% дейін арттырды.
Басылым “сандық құзыретсіздіктің” құрбандары ресейлік азаматтар, блогерлер мен журналистер болғанын еске салды, соның ішінде Дарья Дугина мен Максим Фомин, сондай-ақ генерал-лейтенант Игорь Кирилловты қоса алғанда 9 жоғары лауазымды әскери қызметкер бар. Қарсылас Telegram аналитикасын пайдаланып олардың туыстары, қозғалыс маршруттары, күн тәртібі туралы ақпарат жинаған. Әскери қызметкерлердің отбасыларына тікелей 700 шамасында қауіп-қатер жасалған.
“Қабылданып жатқан шаралар – батыстық марионеткалар көрсетуге тырысқандай еркіндікке шабуыл емес. Бұл – мемлекет өз азаматтарын, өзінің егемендігін сандық құбыжықтан қорғау құқығын заңды түрде іске асыру”, – деп жазды газет.
