"Реал" Чемпиондар лигасында "Қайратқа" қарсы алдағы ойынды бағалады
Фото: AFP
Испандық клуб басшылығы алдағы кездесу туралы пікір білдіріп, оның қиындығын атап өтті. Бұл туралы Stan.kz ақпарат агенттігі хабарлайды.
Мадридтік "Реал" тарихында алғаш рет 2025/2026 жылғы маусымдағы Чемпиондар лигасының топтық кезеңінде алматылық "Қайратқа" қарсы ойнайды.
"Реалдың" институционалдық байланыстар жөніндегі директоры Эмилио Бутрагеньо Real Madrid TV арнасына берген сұхбатында матчтың оңай болмайтынын айтты:
"Біз бұрын-соңды оларға қарсы ойнаған жоқпыз, әрі олар өте алыс орналасқан. Бұл — тығыз күнтізбемізді ескерсек, қосымша фактор. Біз жақсы дайындалып, жоғары деңгейде ойнауымыз қажет, әрбір детальға назар аударуымыз керек. Мұның бәрі ойынды адамдар ойлағаннан да күрделірек етеді", – деді Бутрагеньо өз сөзінде.
Шетелдік басылымдар да логистика мәселесінің маңыздылығын атап өтті. Мәселен, Managing Madrid порталы былай деп жазды:
"Әрбір матч маңызды болады, барлық қарсыластар ерекше ынталанған. Біз жоғары деңгейде ойнап, әрбір детальға назар аударуымыз керек".
Бұған дейін испан журналистері алдағы сапарды "әлемнің шетіне саяхат" деп атаған еді. Айта кетейік "Реал" Қазақстанға ресми ойын үшін алғаш рет келеді.
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
