Қазақстандық полицейді ер адам отбасылық зорлық-зомбылық бойынша жазалағаны үшін өлтіріп кеткен
Қызылорда облысының Арал қаласында учаскелік полиция инспекторы қаза тапты. Оның денесін өз үйінің ауласындағы гараждан тапқан. Бұл туралы Stan.kz ақпарат агенттігі хабарлайды.
Марқұм 1988 жылы туған. Денесінде жарақат іздері бар. Оқиға болған кезде полицей еңбек демалысында болған.
Хабарланғандай, жанжал болған кезде учаскелік полиция қызметкері демалыста болған. Дауға нақты не себеп болғаны әзірге белгісіз. Полиция күдіктінің кім екенін анықтап, қазір оны іздестіріп жатыр. Полиция қызметкерінің өліміне қатысты қылмыстық іс қозғалды.
Қызылорда облысы полиция департаментінің мәліметінше, қаза тапқан учаскелік полиция қызметкері мен күдікті бұған дейін таныс болған. Полиция қызметкері оны отбасындағы тұрмыстық зорлық-зомбылық үшін бірнеше рет жауапкершілікке тартқан.
"Арал ауданында тұрмыстық жанжал шығып, учаскелік полиция инспекторы ауыр жарақаттан оқиға орнында көз жұмды. Қылмыстық іс қозғалды. Күдіктінің кім екені белгілі, қазір полиция оны іздеп жатыр. Бұған дейін марқұм инспектор осы азаматты отбасылық-тұрмыстық құқық бұзушылықтары үшін бірнеше рет әкімшілік жауапқа тартып, оған қатысты қорғау нұсқамаларын шығарған", – деп мәлімдеді полиция.
Бұған дейін egov.press Telegram-арнасы өз дереккөздеріне сүйеніп, оқиғаның кейбір жай-жапсарын жариялады. Арна мәліметінше, 1988 жылы туған полицейдің денесі жеке үйдің ауласындағы гаражда жатқан. Оның денесінен зорлық белгілері байқалған.
Қазақстандық ата-аналар баласына тоз-тозы шығып, парағы жыртылған кітап берілгеніне шағымданды
