ҚР ҚК 28-бабы 3-бөлігі ("қылмысты ұйымдастыру"), 189-бап 4-бөлігі 2-тармағы ("аса ірі мөлшерде кінәліге сеніп тапсырылған бөтеннің мүлкін иемдену немесе жымқыру") бойынша айыпты деп танылып, мемлекеттік қызметте және квазимемлекеттік секторда лауазым атқару құқығынан өмір бойы айыра отырып, 8 жыл 1 ай бас бостандығынан айыру түріндегі жаза тағайындалсын.
361-баптың 4-бөлігі 3-тармағы ("ауыр зардаптарға әкеп соққан жауапты мемлекеттік лауазым атқаратын адамның өкілетін теріс пайдалануы) бойынша кінәлі деп танылып, мүлкі тәркіленбей, мемлекеттік қызметте және квазимемлекеттік секторда лауазым атқару құқығы өмір бойы шектеліп, 6 жыл бас бостандығынан айырылсын.
24-баптың 3-бөлігі ("қылмысқа әрекет жасау") және 249-бап 1-бөлігі ("рейдерлік") бойынша 2 жыл мерзімге коммерциялық ұйымдарда әкімшілік-шаруашылық қызметпен айналысу құқығынан айыра отырып, мүлкін тәркілемей 3 жыл 9 ай бас бостандығынан айыру түріндегі жаза тағайындалсын.
ҚР ҚК 28-бабының 3-бөлігі ("қылмыстық құқық бұзушылыққа қатысушылардың түрлері") және ҚР ҚК 250-бабының 1-бөлігі ("өкілеттіктерді теріс пайдалану") бойынша айыпты деп танылып, коммерциялық ұйымдарда әкімшілік-шаруашылық қызметпен айналысу құқығынан бес жылға айыра отырып, мүлкі тәркіленбей, төрт жыл бас бостандығынан айыру түріндегі жаза тағайындалсын.
ҚР ҚК-нің 58-бабы 3-бөлігі бойынша жазаны неғұрлым қатаңдата отырып, мүлкі тәркіленбей 8 жыл 1 ай бас бостандығынан айырылып, мемлекеттік қызметте және квазимемлекеттік секторда қызмет атқару құқығы өмір бойы берілмесін.

"Арыстанбек Мұхамедиұлын мемлекеттік қызметте және квазимемлекеттік секторда қызмет атқару құқығынан өмір бойы айыра отырып, 12 жылға бас бостандығынан айыру түріндегі жаза тағайындалсын. Жаза орта қауіпсіздіктегі қылмыстық атқару жүйесі мекемесінде өтелсін", – деді прокурор Олжас Хайруллаев.

Бұдан бөлек ол іске қатысы бар 6 адамға мынадай жаза тағайындауды сұрады:

Алмаз Нұразханды 28-баптың 2-бөлігі ("қылмысты орындаушы") 189-баптың 4-бөлігі 2-тармағы бойынша кінәлі деп танып, мемлекеттік қызметте және квазимемлекеттік секторда қызмет атқару құқығын өмір бойы шектей отырып, 7 жыл 1 ай бас бостандығынан айыру. Жаза қауіпсіздігі орташа ҚАЖ мекемесінде өтелсін.

Абай Сатыбалдин 28-бап 2-бөлігі, 189-баптың 4-бөлігі 2-тармағы, 190-бабының 3-бөлігі 1-тармағы ("ірі мөлшердегі алаяқтық") бойынша айыпты деп танылып, мүлкі тәркіленбей, мемлекеттік қызметте және квазимемлекеттік секторда қызмет атқару құқығын өмір бойы шектей отырып, жеті жыл бас бостандығынан айырылсын. Жаза қауіпсіздігі орташа мекемеде өтелсін.

Леонид Кочетов ҚР ҚК 28-бабының 2-бөлігі, 189-бабының 4-бөлігі 2-тармағы бойынша кінәлі деп танылып, мемлекеттік қызметте және квазимемлекеттік секторда лауазым атқару құқығынан өмір бойы айырыла отырып, жеті жылға бас бостандығынан айырылсын. Жаза қауіпсіздігі орташа мекемеде өтелсін.

Азамат Көшенов ҚР ҚК 28-бабының 5-бөлігі ("қылмысқа жәрдемдесу") бойынша, ҚР ҚК 189-бабының 4-бөлігі 2-тармағы бойынша 10 жыл мерзімге мемлекеттік сатып алуға байланысты қызметпен айналысу құқығынан айырыла отырып, мүлкі тәркіленбей, жеті жыл бір ай бас бостандығынан айыру жазасы тағайындалсын. Жаза қауіпсіздігі орташа ҚАЖ мекемесінде өтелсін.

Айым Сәдуақасованы ҚР ҚК 189-бабының 28-бабының 5-бөлігі, 4-бөлігі 2-тармағы бойынша 10 жыл мерзімге мемлекеттік сатып алуға байланысты қызметпен айналысу құқығынан айыра отырып, мүлкін тәркілеусіз жеті жыл бір ай бас бостандығынан айыру тағайындалсын.

ҚР ҚК 74-бабының 1-бөлігіне сәйкес тағайындалған жазаны орындау бес жылға кейінге қалдырылсын. Үкім заңды күшіне енгеннен кейін 10 күн мерзімде тұрғылықты жері бойынша пробация қызметіне есепке қою үшін келуге міндеттелсін.

Гүлзат Жуаспаеваны ҚР ҚК 250-бабының 1-бөлігі бойынша бес жыл мерзімге коммерциялық ұйымдарда әкімшілік-шаруашылық қызметпен айналысу құқығынан айыра отырып, мүлкін тәркілемей екі жыл бас бостандығынан айыру тағайындалсын.

"ҚР Тәуелсіздігінің 30 жылдығына байланысты рақымшылық жасау туралы" 2021 жылғы 7 желтоқсандағы ҚР Заңының 2-бабының 1-бөлігі, ҚР ҚК 250-бабының 1-бөлігі бойынша жазадан босатылсын. ҚР ҚК 385-бабының 3-бөлігі ("көрінеу жалған құжатты пайдалану") бойынша кінәлі деп танылсын. ҚР ҚК 71-бабы 1-бөлігінің 1-тармағына сәйкес ескіру мерзімінің өтуіне байланысты қылмыстық жауаптан босатылсын. Ешқайда кетпеу туралы жазбаша бұлтартпау шарасы жойылсын.

Бұған дейін экс-министр Арыстанбек Мұхамедиұлы 11 жылға сотталғанын жазған едік.

Талқылау