Пранкерлер астаналықтардың суицид жасағалы жатқан адамға қаншалықты көмектесетінін тексерді (видео)

Астана тұрғындары арнайы сынақ жүргізу арқылы, қоғамдық орындарда өз-өзін өлтіруге талпынғандарға қатысты тұрғындардың қандай көзқарас танытатынын анықтап көрді.

Жас жігіт Астанадағы аспалы көпірдің үстіне шығып, секірмекші болған кейіп танытады. Ал оның дәл қасынан өтіп бара жатқан адамдар тіпті де назар аудармаған.

Сынақ қорытындысы бойынша 80 пайыз адам қауіпті қадамға барғалы жатқан адамның жанынан жәй ғана өтіп кете барған. Тек бірнеше адам ғана жігітті райынан қайтаруға тырысыпты.

“Қазақстан суицид бойынша әлемді үшінші орында. Тіпті кей жағдайларда адамдар жәй ғана қарап немесе ұялы телефондарына түсіріп алады. Біздің сынақ барысында адамдардың суицид жасағалы жатқан жанға көмектесіп, не көмектеспейтінін анықтадық”, – деп жазылған бейнежазба түсініктемесінде.