Павлодарлық оқушы 9 тілді меңгерген: Ол сабақ берудің арқасында Астанадан пәтер алды
Фото: Видеодан скриншот
Павлодарлық мектеп оқушысы Астанадан пәтер сатып алуға жеткілікті ақша тапты. Бұл туралы Stan.kz ақпарат агенттігі 7-арнаға сілтеме жасап хабарлайды.
17 жасында мектеп оқушысы тоғыз тілде сөйлейді. Ол тілдердің көпшілігін өз бетінше үйренген. Сөзінше, материалдарды зерттеп, видео көріп, кітап оқып, жаттыққанның арқасында осындай дәрежеге жетті. Қазір ол әлемнің әр түкпіріндегі адамдарға шет тілдерін үйрететін репетитор болып жұмыс істейді.
Айханым Оқасованың тілдерге деген қызығушылығын анасы оятты. Ол алдымен қазақ тілін үйреніп, содан кейін ағылшын тіліне қызығушылық танытты. Әрі қарай француз әндерін жаттап алды.
Павлодарда тегін корей тілі курстарын ашылды. Кейін курс тоқтап қалды, бірақ тілге деген қызығушылығым қалды. Корей тілін меңгергеннен кейін мен араб тілін, ал араб тілінен кейін қытай тілін үйрене бастадым. Қазір түрік және неміс тілдерін үйреніп жатырмын", – деді Оқасова.
2026 жылға арналған Ораза кестесі жарияланды
“4 тілді жетік біледі”: Алты жастағы полиглоттың анасы қызына ағылшын тілін 8 айынан үйреткен
Ол шет тілдерін 6 сыныпта үйрене бастады.
“Мысалы орыс тіліндегі мақалаларды қазақ тіліне аудардым. Араб тілінен корей тіліне, корей тілінен араб тіліне, қытай тілінен ағылшын тіліне және ағылшын тілінен қытай тіліне аудардым. Сондай-ақ сол тілде сөйлейтіндермен жаттығамын, оларды интернеттен іздеймін. Менің басқа елдерде көптеген достарым бар, мен осы тілдерді олармен бірге үйренемін”, – деді полиглот оқушы.
Айханым қазір шет тілдерін онлайн оқытумен тоқтап қалғысы келмейді. Ол шетелдегі беделді университетке түсіп, көп саяхаттауды армандайды.
