Төбелес Павлова көшесінің бойындағы тұрғын үй кешенінің ауласында болған. Оқиға орнынан түсірілген "Шок типичного Павлодара" телеграм-арнасында жарияланған видеодан бірнеше адамның алғашында ерегісіп, кейіннен төбелеске жалғасқанын көруге болады. Келесі кадрларда белгісіз ер азаматтың екінші ер адамды құлатып, тепкінің астына алғанын аңғаруға болады. Осы уақытта полиция қызметкерлері келіп, төбелес ұйымдастырғандарды ажыратып алады.

Бейнежазбаның түсіндірмесінде оқиғаның басы түн ортасында гитара тартып, кіре берісте қоқыс тастаған жастарға пәтер тұрғыны ескерту жасағаннан басталғаны айтылады.

Бұл нұсқаны Павлодар облысы полиция департаментінің баспасөз қызметі растайды.

Атырауда жасөспірім қыздардың төбелесі видеоға түсіп қалды

Қарағандыдағы университеттің жатақханасында студенттер бір-бірін пышақтап тастаған

Алматыда жанармай бекетінде төбелескен жастар желіні шулатты

"Түн ортасында тыныштықты бұзған жастар спирттік ішімдіктерді қолданған. Үй тұрғындарының бірі өзінің досымен жиналған қауымға ескерту айтады. Алайда олар агрессивті түрде жауап береді. Қатысушылар арасында жанжал туып, төбелеске жалғасқан, оның нәтижесінде екі адам пышақ жарақатын алған", - деді полиция баспасөз қызметі.

Түрлі жарақат алған екі жәбірленуші ауруханаға жеткізілген. Төбелеске қатысушылардың бірі 34 жастағы ер адам болып шықты.

Облыстық денсаулық сақтау басқармасында мәлімдегендей, ер адам ауруханаға іш қуысының пышақ және кесілген жарақатымен, беті мен сол жақ иығынан алған пышақ жарақатымен түскен. Оған шұғыл түрде ота жасалған.

Аталған факті бойынша "Екі адамға қасақана денсаулыққа ауыр зиян келтіру" бабы бойынша сотқа дейінгі тергеу амалдары жүргізілуде. Онда 6 жылдан 10 жылға дейін бас бостандығынан айыру жазасы қарастырылған.

Талқылау