Спорт министрлігінде лауазымды қызметкердің әйелі қызметтік көлікті мас күйде жүргізіп ұсталды

Фото: Ашық дереккөзден

Мәдениет және туризм министрлігінің қызметкерінің әйелі декреттік демалыста жүрсе де, қызметтік автокөлікті пайдаланып, мас күйінде жүргізгені үшін жауапқа тартылды. Бұл туралы Stan.kz ақпарат агенттігі Nege.kz басылымына сілтеме жасап хабарлайды. 

Павлодар соты "Еңбек мобильділігі орталығының" директоры Меруерт Есембаеваны кінәлі деп таныды. Деректерге сай, оқиға 22 ақпанда түнде болған. Ол қызметтік Chery Tiggo 7 Pro көлігін полиция талабына бағынбай жүргізіп кеткен. Полиция оны қуып жеткен соң тоқтатқан, бірақ алкогольді тексеруден өтпеген. 

Меруерт Есембаева – Мәдениет және туризм министрлігінің спорт және дене шынықтыру ісі комитетінің төраға орынбасары Нұрлан Есембаевтың жұбайы. Сот материалдарынан көрініп тұрғандай, әйел ресми түрде декретте болғанымен, қызметтік көлікті жеке мақсаттарға пайдаланып келген.

Сотта Есембаева мен оның қорғаушылары кінәсіз екенін дәлелдеуге тырысқан. Олар оның нашар сезінгенін айтып, алкогольді тексеруден дем ала алмағанын айтқан. Алайда полицияның бейнежазбасы мен медициналық орталық камералары басқа сурет көрсеткен.

Бейнежазбада Есембаева дәрігердің қолын ысырып, дөрекі сөйлеген. "Сен кімсің?" деп сұраған және наркологқа тесті өзі өткізсін деп айтқан. Ол бірнеше рет өзін ауыр сезінгендей етіп көрсеткен. Әртүрлі жерінің ауырып тұрғанын айтқан және процедура кезінде куәгерлерді шақыруды талап еткен. Сонымен қатар, ол "Үйде балаларым күтіп отыр" деп айтып, өзіне жеңілдік жасауға тырысқан.

• "Өзі көлік алуды қалады": ШҚО әкімдігі 100 жастағы ардагерге неге көлік сыйлағанын түсіндірді

• "Халықты елемеушілік": Депутат Дубайдағы қазақстандық шенеуніктерге тиесілі мүлікті тексеруді талап етті

Полиция мәліметінше, көліктің ішінде тәртіпсіздік болған: ашық сыра банкісі мен чечил табылған. Соңында Есембаева жедел жәрдем шақырып, ауруханаға кеткен. Бірақ алкоголь тестінен өтуден қашып құтылмаған. Сот видеожазбаларды қарап, оның тесті тапсырудан жалтарып, өзін ауыр сезінгендей көрсеткенін анықтаған.

Сот оның төрт кәмелетке толмаған баласы болғандықтан оны ұстау туралы шешім шығармаған. Алайда 8 жылға жүргізуші куәлігінен айырды.

Сонымен қатар сот А. С. Адамжанова Павлодар облысының әкіміне жеке хат жолдап, бір ай ішінде қызметтік көліктің декреттегі қызметкерге қалай берілгенін тексеріп, кінәлілерді жазалауды тапсырды.