"Отбасы банкінің лауазымды тұлғаларын кім қорғап отыр?": Бақытжан Базарбек оларды тергеуді талап етті
Фото: Отбасы банк
Мәжіліс депутаты Бақытжан Базарбек өзінің депутаттық сауалында Отбасы банкінің қызметкерлерін тергеуді талап етіп, Бас прокуратураға жүгінді. Өйткені банк сот шешімімен сүрілуі тиіс тұрғын үй кешенінен пәтер алуға несие берген.Бұл туралы Stan.kz ақпарат агенттігі хабарлайды.
Депутат Астана мен Алматыдағы сот шешімі бойынша сүрілуі тиіс, бірақ әлі күнге дейін бұзылмаған проблемалық тұрғын үй кешендерін аралап шыққан. Солардың бірі Алматының Бостандық ауданындағы "Швейцария" түрғын үй кешені, депутаттың айтуынша, онда 150-ден астам үлескер зардап шеккен.
Бес қабатты бес үй бау-бақша өсіру мақсатында бөлінген жерге салынған, компанияның ешқандай рұқсат құжаттары болмаған. Қазір құрылыс компаниясының басшысы қамауда. Сот аталған кешенді бұзу туралы шешім шығарған.
Неге тек құрылыс басшысы ғана тергеліп жатыр? Неге Отбасы банкінің лауазымды тұлғалары күдіктілер қатарында жоқ? Құрылысты салушы компанияға қатысты қылмыстық іс 2022 жылы қозғалды. 2023 жылы тұрғын үй кешенін бұзу туралы сот шешімі шықты, бірақ Отбасы банк бұл кешенді сатып алуға азаматтармен келісімшарт жасасып, несие бере берген. Сол кезде бұл тұрғын үй кешені сот шешімімен сүрілуі тиіс еді. Отбасы банкінің лауазымды тұлғаларын кім қорғап отыр?" - деді депутат.
Оның айтуынша, Отбасы банкінің әрекеттерінен бұл кешеннен пәтер алған 50-ден астам отбасы зардап шеккен.
Базарбек тағы бір мысал келтірді. 2023 жылдан бері билік "Монблан" тұрғын үй кешенін де бұза алмай отыр, өйткені жер телімінің иесі бұған бпр күшімен кедергі келтірген, тіпті арнайы техниканың кіретін жолын жауып тастаған.
"Сот шешімімен бұзылуы тиіс 20 тұрғын үй кешені бар, бірақ олар әлі күнге дейін сүрілмеген. Біз нені күтіп отырмыз? Бұл сүруге кім қарсы?" - деп сұрады депутат.
Өз сауалында ол Алматы ипподромы мәселесін де көтерді. Оны қаладан облысқа көшіріп, ал ипподром тұрған жерге көпқабатты үйлер салмақшы. Депутаттың айтуынша, мұндай жағдай бұған дейін Шымкентте де болған, алматылықтар да ат спорты кешенінен айырылып қалуы мүмкін.
Астанада да оған шағын Талдыкөл көлдер жүйесі маңындағы құрылысқа қарсы белсенділер шағымданған. Әкімдік биыл жазда көлдердің айналасына су қорғау аймақтарын орнатуға міндеттелген, бірақ жергілікті органдар ешқандай шара қабылдамаған. Көл жағасындағы бірнеше учаске құрылыс компанияларына беріліп қойған. Олар "DARIAN STROI", "MD-K1 GROUP", "AVALON BUILDING", "BI kids" ЖШС.
Депутат Отбасы банкінің және Алматы әкімдігінің лауазымды тұлғаларын тергеуді, сот шешімі шыққан 20 тұрғын үй кешенін міндетті түрде бұзуды талап етті. Сонымен бірге, Алматы ипподромына қатысты прокурорлық тексеру жүргізіп, оны сақтап қалу бойынша шаралар қабылдауды, сондай-ақ елорданың су айдындарындағы жерді беру мәселесін тексеруді сұрады.
Қазақстандықтар RAMS Qazaqstan-дағы пәтерлерінен айырылып қаламыз ба деп қорқып отыр: Компания туралы не белгілі
