Өскеменде ЖРВИ өршуіне байланысты перзентханаларда карантин ережелері енгізілді
Фото: freepik.com
Шығыс Қазақстанда жедел респираторлық вирустық инфекцияларға (ЖРВИ) шалдыққан адамдар саны 70 мыңға жақындады. Осы жағдайға байланысты Өскемендегі Ана мен бала орталығында эпидемиялық шектеулер енгізілді. Бұл туралы Stan.kz ақпарат агенттігі хабарлайды.
Дәрігерлер күн сайын науқастардың өсіп отырғанын айтты, олардың ішінде 200-ден аса жүкті әйел бар. Қазір әйелдерге уақытша серіктеспен босану (яғни, босану кезінде жанында жақын адамның болуы) тоқтатылған.
“Карантин талаптары күшейгендіктен, әзірге босану бөлмесіне серіктес жіберуге тыйым салынады. Қалыпты тәртіптің қашан қайта енгізілетіні кейін хабарланады”, – деп түсіндірді орталық мамандары.
Бұдан бөлек, өңірде "гонконг тұмауы" деп аталатын ауру да көбейіп жатыр. Қазір бұл диагноз 50-ге жуық тұрғынға қойылған.
Дәрігерлер халықты сақтық шараларын сақтауға, көп адам жиналатын орындарға бармауға және алғашқы белгілер пайда болғанда бірден маманға жүгінуге шақырады.
Бұған дейін Денсаулық сақтау министрі Қазақстандағы тұмау мен ЖРВИ бойынша жағдай қашан жақсаратынын айтқан еді.
"30 минутқа созылады, тез келемін деген еді": Астанада көзіне лазерлі ота жасатуға барған жалғызбасты ана қаза тапты
