Оңтүстік Кореяның темекі өндіретін ең ірі компаниясы Қазақстанда жаңа фабрикасын ашты

Оңтүстік Кореяның темекі өндіретін ең ірі KT&G компаниясы сәрсенбіде Қазақстандағы жаңа фабрикасының құрылысы аяқталғанын хабарлады. Бұл өндірістік орталық компанияға еуразиялық нарыққа шығуға мүмкіндік бермек. Бұл туралы Stan.kz ақпарат агенттігі хабарлайды. 

Зауыттың ашылу салтанатына Алматы облысының әкімі Марат Сұлтанғазиев, KT&G компаниясының бас директоры Банг Кён Ман және Кореяның Қазақстандағы елшісі Чо Тэ Ик қатысты. KT&G өкілі жаңа нысанның еуразиялық нарықта және Еуропа аймағында өсіп келе жатқан сұранысты қанағаттандыру үшін негізгі өндірістік база ретінде маңызды рөл атқаратынын атап өтті. Жалпы аумағы 52 мың шаршы метр болатын қазақстандық зауыт үш өндірістік желіден тұрады және жылдық өндірістік қуаттылығы 4,5 миллиард таяқшаға тең.

"KT&G зауытының ашылуы — бұл тек жаңа өндірісті іске қосу емес. Бұл – Қазақстан мен Корея арасындағы 33 жылдық серіктестіктің нәтижесі және Алматы облысының инвестициялық тартымдылығының жарқын дәлелі. Біз халықаралық серіктестік үшін барлық жағдайды жасап, біздің өңірді таңдайтын компанияларды әрдайым қолдаймыз", – деді Алматы облысының әкімі.

Қазақстандағы зауыт KT&G компаниясының әлемдік кірістің өсуін ынталандыру мақсатына сәйкес келетін күрделі шығындар стратегиясының бір бөлігі болып саналады.

Компания 2027 жылға қарай негізгі бизнесінің бәсекеге қабілеттілігін күшейту және шетелдегі тікелей операцияларын кеңейту арқылы халықаралық сатылым үлесін 50 пайызға жеткізуді мақсат етіп отыр. Бұдан бөлек KT&G Корея, Индонезия, Ресей және Түркиядағы зауыттары бар

Сондай-ақ сейсенбіде KT&G Қазақстанның Экология және табиғи ресурстар министрлігімен және Азиялық орман шаруашылығы ынтымақтастығы ұйымымен "Жасыл глобус" жобасы бойынша өзара түсіністік туралы меморандумға қол қойып, жергілікті экологиялық тұрақтылықты сақтауды қуаттады.

Бастама аясында KT&G 2023 жылғы маусымда орман өртінен зардап шеккен Абай облысындағы ормандарды қалпына келтіру және орман өрттерін жою жұмыстарына қолдау көрсетеді.