Өлтіремін деп қорқытты: Желіде Алматыдағы қоғам белсендісінің әйелін соққыға жыққан видеосы тарады
Фото: Видеодан скриншот/Courtesy photo
Желіде ер адамның әйелге күш қолданып, оны өлтіремін деп қорқытып жатқан видеосы пайда болды. Кейін бұл ер адам Қазақстандағы танымал қоғам қайраткері Арсен Шакуов екені белгілі болды. Бұл туралы Stan.kz ақпарат агенттігі хабарлайды.
Instagram-да жарияланған видеода ер адам еденде жатқан әйелді тұншықтырып, "түрмеде отырса да, оны өлтіретінін" айтады. Әйел "Арс, жібер" деп жалбарынады, ал балалар артта айқайлайды.
"Видеода көрсетілген адам – Арсен Шакуов. Заңсыз әрекеттер кезінде ол Алматы өңірлік коммуникациялар қызметінің басшысы болған. Қазір ол Қазақстан ұлттық сурдолимпиадалық комитетінің вице-президенті және жол қауіпсіздігі қауымдастығының президенті. Құқық қорғау органдарынан Арсен Шакуовтың зорлық-зомбылық әрекеттері мен өлім қаупіне қатысты әрекеттеріне заңды баға беруді, толық тергеу жүргізуді және қылмыстық заңнама шеңберінде процессуалдық шешім қабылдауды сұраймыз", – делінген видеоның сипаттамасында.
Алматы полиция департаментінің баспасөз қызметі видеоға қатысты түсініктеме берді.
"Өткен қаңтарда әйелге қатысты болған заңсыз әрекеттердің видеосы әлеуметтік желілерде пайда болды. Дереу шара қолданылды. Түрксіб аудандық полиция бөлімі оқиғаны тіркеді. Ер адамға қатысты әкімшілік іс қозғалды. Іс мамандандырылған ауданаралық сотта қаралды, тараптар келісімге келді", – деп хабарлады Алматы полиция департаментінің баспасөз қызметі.
Істі тоқтату туралы сот қаулысында оқиғаның 2025 жылдың 26 қаңтарында шамамен таңғы сағат 3:50-де болғаны көрсетілген.
"Шакуов үйде отырып, әйелі Н.И. Шакуовамен жанжал шығарған. Осылайша ол отбасылық және тұрмыстық қатынастар туралы заңды бұзды. Сот отырысында Шакуов А.К. іс материалдарында көрсетілген фактілерді растады. Ол өз әрекеттеріне өкінетінін білдірді, тараптардың татуласуына байланысты әкімшілік іс жүргізуді тоқтатуды сұрады. Сот отырысында жәбірленуші тарап іс материалдарында көрсетілген фактілерді растады. Ол өзіне қатысты әкімшілік іс жүргізуді жазбаша өтініш беру арқылы тоқтатуды сұрайды", – делінген құжатта.
Еске салсақ, танымал әнші Маржан Арапбаеваны азаматтық некедегі күйеуі соққыға жыққаны айтылды.
Жаңа үйленсе де өзге қыздарға жазады: Қазақстандық психолог неліктен ерлердің опасыздыққа баратынын айтты
