Олимпиада чемпионы Бақтияр Артаевтың төртінші баласы дүниеге келді

Афины олимпиадасының чемпионы Бақтияр Артаевтың шаңырағы тағы бір сәбимен толықты. Чемпионның келіншегі оған ұл сыйлаған.

Сурет alaman.kz

Бұл туралы vesti.kz сайты хабарлайды.

“Аллаға шүкір, аман-есен босанды. Қазір денсаулығы жақсы. Әйелім маған төртінші баланы сыйлады. Қазір екі ұл, екі қызым бар. Менің ұлым – нағыз батыр. Салмағы 5 келі 200 грамм, ал бойы 64 см болды. Мұндай көрсеткіштер өте сирек кездеседі”, – дейді олимпиада чемпионы.

Бақтияр Артаевтың айтуынша, отбасымен бірге нәрестені қарсы алуға дайындалып жатыр. Олимпиада чемпионы қазіргі таңда Лондонда білім алуда. Қысқа мерзімді демалысқа келген ол, жуырда қайтадан Ұлыбританияға аттанады.