Тұрсынбекова елімізде кейде жануарларға қатысты жан түршігерлік жағдайлар орын алатынын атап өткен. Елордадағы "Періште жүрегі" жеке орында 130 ит пен 20 мысық бар. Оның құрылғанына төрт жыл болған.

Орталықтың негізін қалаушы Гүлмира Назарханова Қазақстанда мемлекеттік жануарларға арналған баспаналардың жоқтығын, тек аулау қызметтері мен жануарларды уақытша ұстау орталықтары ғана бар екенін атап өткен. Жануарлар құқығын қорғаушының айтуынша, бұл мақсаттарға бөлінген қаржыны тиімдірек жұмсауға болар еді.

Салтанат Тұрсынбекова өз кезегінде президент болғанына немесе болмағанына қарамастан жануарларға қамқорлық жасауды тоқтатпайтынын жеткізген.

"Президент атану үшін бара жатқан жоқпын": Қазақстанда кезектен тыс сайлауға үміткерлер саяси додаға түсудегі мақсаттары туралы айтты

Қазақстан президенттігіне алты кандидат таласады

"Ашығын айту керек, елімізде үй жануарларын да, үйсіз-күйсіз жүрген жануарларды да мазақ етеді: аш қалдырады, азаптайды, зорлайды, көпқабатты үйлердің терезелерінен лақтырады немесе далада қалдырады. Тағдырдың тәлкегіне ұшыраған жануарлардың өмірін көру – өте аянышты. 2021 жылдың желтоқсанында жануарларға жауапты қамқорлық туралы заң қабылданды. Бірақ менің түсінуімше, бұл заңдар іс жүзінде жұмыс істемейді. Бүгінде үйсіз жануарларға арналған мемлекеттік орындар мүлдем жоқ. Бұған қаржы жетпейді. Тірі тіршілік иелеріне мемлекеттің мұндай қатынасына жол беруге болмайды. Бүгінде бұл орындардан мүгедек, далада қалған жануарларды көреміз. Бұл жерге мемлекет тарапынан мүлдем қолдау көрсетілмейді. Көбінесе оларға әлеуметтік желілерде қайырымдылық жинайтын блогерлер ғана көмектеседі. Бұл жағдайды түбегейлі өзгерту керек деп ойлаймын", - деп атап өтті Тұрсынбекова.

Талқылау