Соңғы жаңалықтар
Соңғы жаңалықтар

Нұрлан Әуесбаев президенттікке кандидаттыққа ұсынылды

Нұрлан Әуесбаев Жалпыұлттық социал-демократиялық партиясының (ОСДП) атынан президенттікке кандидат болып ұсынылды, деп хабарлайды Stan.kz ақпарат агенттігі.

Сурет сьезден алынған

Мұндай шешімді партия мүшелері 1 қазан күні кезектен тыс съез барысында қабылдады. Үміткер үш үміткердің арасынан таңдалды. 

"Съезд Әуесбаев Нұрлан Сатыбалдыұлын Жалпыұлттық социал-демократиялық партиясынан президенттікке кандидат етіп сайлау туралы шешім қабылдады", - деді партия төрағасы Асхат Рахымжанов.

Айта кетейік, бұл соңғы 16 жылдағы ОСДП-дан президенттікке бірінші үміткер. 2019 жылы партия президенттікке кандидат ретінде журналист Ермұрат Бапиді ұсынбақ болған. Алайда, кейін сайлауға бойкот жариялау туралы шешім қабылданған.



Нұрлан Әуесбаев 1957 жылы Түркістан облысында дүниеге келген. Ол партияның астаналық филиалының жетекшісі. Білімі жоғары, Әуезов атындағы Оңтүстік Қазақстан университетін бітірген. Ұзақ жылдар әкімдіктерде түрлі қызметтер атқарған. 

ОСДП 2006 жылы 10 қыркүйекте құрылған Қазақстандағы оппозициялық бағыттағы саяси партия. 

Талқылау
Қазір оқып жатыр
Қазір оқып жатыр