Нұр-Сұлтанда аутизммен ауыратын балаларды ұру дерегінен кейін балабақшалардың лицензиясын қайтару қарастырылмақ

Еліміздің білім және ғылым министрлігі Нұр-Сұлтанда аутизммен ауыратын балаларды ұрып-соғу дерегінен кейін балабақшалар мен тәрбиешілерге талапты қатаңдатпақ. 

Вице-министр Шолпан Каринованың сөзінше, қазіргі уақытта балабақшада тексеру жалғасуда. Ол аяқталғаннан кейін тиісті шаралар қабылданады. 

"Білім және ғылым министрлігі жағдайдың күрделі екенін мойындайды. Мұндай жағдай енді қайталанбауы тиіс, сондықтан қазір біз балабақшаларға талапты қатаңдату бойынша шараларды қарастырып жатырмыз. 

• "Бет-аузы қан-жоса": Түркістан облысында балабақшадағы бүлдіршіннің жамбасы сынған

• "Бұл кімге керек?": Қазақстандық мұғалімдер міндетті аттестациядан бас тартуды сұрайды

Балабақшаларға талапты қалай қатаңдатсақ, тәрбиешілерге де солай болмақ. Балабақшаларды тексеру тәртібін өзгертпекпіз. Мүмкін балабақшалардың лицензиясын қайтару керек болатын шығар", – деді Каринова Сенат кулуарында.