Тойды белгілі әзілкеш тізгіндеді. Тегін жүргізіп жатқанын жасырмады. Басты қонақтардың қатарында Ескендір Хасанғалиев, Мақпал Жүнісова, Айжан Нұрмағамбетова, Құдайберген Бекіш, Жігіттер тобы сияқты қазақ эстрадасының шоқ жұлдыздары болды.

гулзира той7

Астанадан Айнұр Тұрсынбаева, Алтынай Жорабаева келіпті. Кешегі Асхат Тарғында көрінбеген әнші қыздардың бәрі осында. Жеңіс Ысқақова, Шахизада, Жазира Жанболатымен, Мейрамбек Мархабатымен, Кенжебек те жұбайымен жүр.

той гулзира2

Ұлы Қайрат Нұртас барлық әншілермен дуэт айтып, анасын тағы бір қуантты. Ал, әзілкеш асаба ойын ұйымдастырып, Мақпал Жүнісованың қалтасын 10 мың теңгеге байытты. Әуелі сайыс ұтысының 5 мың теңгесін Жігіттер тобындағы Ердос Қанаев қанжыласа, артынша Мақпал Жүнісова да жеңді. Бірақ, асаба қалтасынан шығармай Ердос мырзаның 5 мың теңгесіне жармасты. Апасынан ұялса керек, Ердос ақша үстіне ақша қосып берді.

гулзира той4

Тілек айтуға шыққан Мақпал Жүнісова, қаланың бір шетіндегі мейрамхананы таңдаған Гүлзираға ренжіп те алды. «Келе жатырмыз, бір жарым сағатта әрең жеттік. Ақыры соңында жүргізушіме ұрысып, Көңіл- күйім әбден түсіп кеткен. Бірақ, мына ресторанға кірген соң, сондай жарық, үлкен, мынандай жиналған халықты көріп, көңілім көтеріліп кетті» деді.

гулзира той6

Ал, ақ көлікпен ортаға кішкентай сәбимен шыққан Нұртас пен Гүлзира көпшіліктің көзайымы болды. Тіпті, кейбірі кішкентай сәбиді олардың немересі ме деп қалды.

гулзира той3

Сөйтсе, Жетісайдан келген өкіл баласы көрінеді. Гүлзира көптің алдында Қазақстандағы ең қымбат бренд костюм шалбар кигізді Жетісайдағы баласына.

Айта кетейік, Нұртас пен Гүлзираның өкіл баласын осыдай бірнеше күн бұрын Мейрамбек пен Сәкен инстаграм парақшасына салып, Қайрат Төреғали ағаларың қалай ән салады деп сұрап жатты. Ал, кештің ең кішкентай жұлдызы күні бойы қолынан микрафон тастамай ыңылдап жүрді.

гулзира той5