Нұртас Адамбай «Сәбинка келіннің» қуыршағын сатылымға шығарды
Кинорежиссер әрі актер Нұртас Адамбайдың кино әлеміндегі жұлдызын «Сәбинка келін» фильмінің жаққаны белгілі. Бұл туралы Адамбайдың өзі үнемі айтып жүреді. Кинорежиссер айықпас дертке шалдыққан алматылық арудан «Сәбинка келіннің» қуыршағын сатып алған еді. Жеткіншекке көмектесу мақсатында Адамбай оны сатылымға шығарды, деп хабарлайды Stan.kz.
Қуыршақ тоқу өнерін шебер меңгерген Анар Лепесова осылайша өзінің ем-домына ақша табатын ұқсайды. Науқас қызға азғантай болса да қол ұшын созғысы келген Адамбай одан сатып алған қуыршағын аукционға сатылымға шығарды. Алғашқы бағасын 20 мың теңге деп белгілеген кинорежиссер 22 қазанға дейін ең үлкен соманы ұсынған адамға қолтаңбасымен бірге қуыршақты ұсынатынын мәлімдеді. Сатылымнан түскен қаражат қуыршақты тоқыған Анардың еміне жұмсалмақ. Әзірге ең жоғарғы сома 300 мың теңгені құрап отыр.
Жіберіп алмаңыз:
Баян Мақсатқызы «Махаббат бекеті» фильмінің жалғасын түсірмек
«Тоқал» фильмінің үлкен экранға шығатын күні белгілі болды (видео)
Актриса Анар Батырхан ғажап даусымен таңқалдыруда (видео)
Еркеш Шакеев қайтыс болған ұлы туралы фильмді көпшілік назарына ұсынды (видео)