Египет Қазақстан азаматтары үшін туристік виза құнын көтереді
1 наурыздан бастап Египет шетелдік туристерге, оның ішінде Қазақстан азаматтарына арналған кіру визасының құнын көтереді. Бұл туралы Stan.kz ақпарат агенттігі Cairo 24 басылымына сілтеме жасап хабарлайды.
Келген кезде рәсімделетін виза бағасы 25 доллардан 30 долларға дейін, яғни 5 долларға қымбаттайды.
Виза алымының өскені туралы Мысырдың туристік компаниялар мен агенттіктер палатасының құжатында көрсетілген. Бұл шара туристерге көрсетілетін қызмет сапасын арттыру және Мысырдың туристік бағыт ретіндегі бәсекеге қабілеттілігін күшейту мақсатында енгізіліп отыр.
Өзгерістер Каир және Хургада әуежайлары арқылы келетін туристерге қатысты болады. Ал Шарм-эш-Шейх қаласына баратын қонақтар үшін бұрынғыдай 15 күндік тегін "Синай мөрі" сақталады. Бірақ Синай түбегінен тыс жерге шығатын болса, ақылы виза рәсімдеу қажет.
-
Қазақстандықтар үшін шетелге демалуға ең тиімді айлар аталды
-
Елімізде шетел азаматтарына арналған жаңа казиноларға қазақстандықтардың кіруіне тыйым салынады
Жаңа виза алымы Мысыр әуежайларында және шекаралық өткізу бекеттерінде келген кезде рәсімделетін визаларға қолданылады.
Туристік компанияларға турбағдарламаларды алдын ала жаңартып, шетелдік серіктестермен келісу және клиенттерге жаңа тарифтер туралы хабарлау ұсынылды. Бұл әсіресе көктем мезгілінде Мысырға сұраныс жоғары болатын кезеңде маңызды.
Қазақстандық төреші Олимпиадада ресейлік спортшының балын негізсіз көтеріп, өз елінің спортшыларына төмен ұпай қойған
