Құны 150 миллион доллар: Қазақстанда әлемдік стандарттағы медициналық орталық салынады
Қазақстанда халықаралық деңгейдегі жаңа көпсалалы клиника салу жоспарланып отыр. Жобаға Лондонда орналасқан ірі инвестициялық компания қатыспақ. Бұл туралы Stan.kz ақпарат агенттігі хабарлайды.
АҚШ-қа сапары барысында Президент Касым-Жомарт Токаев халықаралық инвестициялық Ashmore Group компаниясының бас директоры Марк Кумбспен кездесті. Кездесу барысында Қазақстанда заманауи халықаралық клиника салу мәселесі талқыланды.
Жоба Ashmore Healthcare International және Самрук-Казына Инвест серіктестігі арқылы жүзеге аспақ. Сондай-ақ медициналық басқару ісіне әлемдік деңгейдегі америкалық Mount Sinai Health System жүйесі тартылуы мүмкін.
Алдын ала мәлімет бойынша, бұл Қазақстандағы батыс брендімен ашылатын алғашқы көпсалалы медициналық орталық болады. Жоба құны шамамен 150 миллион долларды құрайды. Болашақта клиника Орталық Азиядағы ірі медициналық хабқа айналуы ықтимал.
-
Қазақстанда Boeing ұшақтарына қызмет көрсететін орталық ашылады
-
Қызылорда облысында онкологиялық бөлімшесі бар үлкен аурухана салынып жатыр
Мемлекет басшысы Үкімет тарапынан жобаны жүзеге асыруға қажетті қолдау көрсетілетінін жеткізді. Өз кезегінде Марк Кумбс Қазақстан экономикасының стратегиялық бағыттарында инвестициялық әріптестікті кеңейтуге мүдделі екенін айтты.
Самрук-Казына құрамына кіретін "Самрук-Казына Инвест" жобаның қазақстандық серіктесі болмақ. Ал Ashmore Group әлемнің түрлі елдерінде фармацевтикалық өндіріс пен инфрақұрылымдық нысандарға инвестиция салып келеді.
Қазақстандықтар үшін шетелге демалуға ең тиімді айлар аталды
