Павлодарда қыз ұзатудағы жаппай улану: Мейрамхана иесі жазадан құтылып кетті
Павлодарда қыз ұзатуда мейрамханадағы тамақтан 30-дан астам адам жаппай уланып қалған жағдайға байланысты мекеме иесі түрме жазасынан құтылып кетті. Бұл туралы Stan.kz ақпарат агенттігі КТК арнасына сілтеме жасап хабарлайды.
Той қонақтарының улануы маусым айында болған. Элиталық мейрамханадан 30-дан астам адам ауруханаға жеткізілді. Олардың арасында жүкті әйел мен сегіз жастағы бала да болған.
Барлығында бірдей белгілер байқалған:
- жүрек айну;
- іш өту;
- жоғары температура.
Оқиғадан кейін мекеме бірден жабылып, жүргізілген тексеру нәтижесінде тағам өнімдерінен стафилококк, сальмонелла және басқа да көптеген инфекциялардың іздері анықталған.
Санитарлық талаптарды бұзғаны үшін 26 жастағы мейрамхана иесіне қатысты тергеу басталған. Оған ірі көлемдегі айыппұл немесе тіпті бас бостандығынан айыру жазасы қаупі төнгенімен, соңында ер адам амнистияға ілігіп, жазадан босатылды.
Еске салсақ, Павлодарда қыз ұзатуға барған 30-дан астам адам уланып қалғаны туралы хабарлаған едік.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды