Нығматулиндердің Қазақстанның Даму банкінен ондаған миллиард теңге алуына прокуратура көмектескен

Фото: видеодан скрин

Екібастұзда ірі инвестициялық жоба "EkibastuzFerroAlloys" ЖШС ферроқорытпа зауытының құрылысы толық аяқталды. Нығматулиндер отбасының бұл жобасының аяқталуына, Қазақстанның Даму банкінен (БРК) ондаған миллиард теңге алуына прокуратура көмектескен. Бұл туралы Stan.kz ақпарат агенттігі хабарлайды. 

Бұған дейін зауыттағы құрылыс-монтаж жұмыстары созылып кеткен. Бұған себеп теміржол жолдарының уақытында аяқталмауы салдарынан қажетті жабдық жеткізу көлемі қысқарған. Сол себепті инвестор прокуратураға жүгінген. Осы жағдай бойынша облыс әкімдігіне ұсыныс енгізілді. Содан кейін жергілікті атқарушы орган инвестордың заңды құқықтары мен мүдделерін қорғау үшін шаралар қабылдады. Ал қателік жасаған лауазымды тұлғалар тәртіптік жауапкершілікке тартылған.

Төрт жыл бойы прокуратура жобаға жан-жақты құқықтық сүйемелдеу көрсеткен.

"20 қарашада Екібастұз қаласында ірі инвестициялық жобалардың бірі – “EkibastuzFerroAlloys” ферросплав зауытының құрылысы аяқталды. Төрт жыл бойы прокуратура жобаны жан-жақты қолдап, оның сәтті іске қосылуына маңызды алты мәселені шешуге көмектесті. Олардың ішінде – табиғи грантты алу, нысанды инфрақұрылыммен қамтамасыз ету, теміржол жолдарын тарту, шетелдік жұмыс күшін тарту және басқа да жүйелі мәселелер бар. Мемлекет пен бизнестің үйлесімді өзара іс-қимылы 800-ден астам жаңа жұмыс орнын құруға мүмкіндік берді, ал өңір экономикасына салынған инвестиция көлемі 92 млрд теңгеден асты", – деді ведомство. 

• Өскеменнің экологиялық жағдайын жақсартуға 10,5 миллиард теңге бөлінбек

• “Самұрық-Энерго” иелік ететін компаниядан 123 миллион теңге ұрланған: Үш адам ұсталып, элиталық автокөліктер тәркіленді

EGov деректеріне сүйенсек, Екібастұзда тіркелген EkibastuzFerroAlloys зауытының иелері ретінде Ерлан Нығматулин және Asterium Holding AG неміс компаниясы көрсетілген.

Еске салсақ, Мәжілістің экс-спикерінің бауыры Ерлан Нығматулин Екібастұзда 92 миллиард теңгеге зауыт ашқаны туралы хабарлаған едік. Ал 2021 жылы Қазақстан Даму Банкі зауыт салуға 72 млрд теңге несие берген. Бұл Нұрлан Нығматулиннің туыстарына тиесілі компанияларға берілген ең ірі несие екені хабарланды.