Табыс деңгейі ең жоғары елдер анықталды: Қазақстан бұл тізімде жоқ

Фото: pixabay.com

Халықаралық валюта қорының (ХВҚ) 2025 жылғы қазан айындағы жаңартылған деректері бойынша, әлемдегі жан басына шаққандағы табыс деңгейі ең жоғары елдерді анықтады. Олардың дерегінше он елдің жетеуі Еуропада орналасқан болып шықты. Бұл туралы Stan.kz ақпарат агенттігі хабарлайды. 

Бірінші орында – Лихтенштейн. Мұнда жан басына шаққандағы жалпы ішкі өнім (ЖІӨ) шамамен 231 713 АҚШ долларын (107,6 миллион теңге) құрайды. Мұндай жоғары көрсеткіш елдегі жұмыс күшінің 60%-ының шетелден күн сайын келіп жұмыс істеуінен туындаған. Сондықтан орташа табыс деңгейі статистикалық тұрғыда жоғары болып көрінеді. Екінші орында Люксембург. Онда да ұқсас экономикалық модель қолданылады.

Үшінші орында – Ирландия. Жан басына шаққандағы ЖІӨ 129 132 доллар немесе шамамен 60 миллион теңге. Елдің экономикасы Google және Meta сияқты ірі технологиялық компаниялардың еуропалық штаб-пәтерлерінің осында орналасуымен байланысты. Себебі Ирландияда салық жүйесі өте тиімді.

Үздік ондыққа Швейцария, Исландия және Сингапурда кірді. Бұл елдерде табыс көрсеткіштері нақты халық кірісін көрсетеді және шетелдік жұмысшылар ағынына тәуелді емес. Әсіресе Сингапур ерекше көзге түседі 1980 жылдан бері мұндағы орташа табыс 19 есеге артқан. Ел жаһандық қаржы мен сауда орталығына айналған.

• Қазақстан халықаралық авиация стандарттарына сай келуде ТМД мен Еуропа елдерін басып озды

• Ауқатты адамдар таңдайтын әлемдегі ең қолайлы қала анықталды

Сарапшылардың айтуынша, бұл мемлекеттердің басым бөлігі шағын халық саны, дамыған әлеуметтік жүйе және адам капиталына жоғары инвестиция сынды ортақ белгілерге ие.

МВФ есебі бойынша, 2025 жылы әлем бойынша жан басына шаққандағы орташа ЖІӨ шамамен 15 000 доллар (шамамен 7 миллион теңге) болса, Қазақстанда бұл көрсеткіш – 14 770 доллар, яғни шамамен 6,9 миллион теңге. Қазақстан әлемдік рейтингтің орта шенінде орналасқан.