Қазақстандықтар енді тіс емдеу үшін зейнетақы шегерімдерін қолдана алмайды
Фото: pixabay.com
Отбасы банкі 15 қыркүйектен бастап зейнетақы жинақтарының артығын стоматологиялық емге пайдалану бойынша өтінімдерді қабылдауды тоқтатады. Бұл туралы Stan.kz ақпарат агенттігі хабарлайды.
Банк enpf-otbasy.kz онлайн платформасында стоматологиялық қызметтерге төлем жасау үшін біржолғы зейнетақы төлемдерін (БЗТ) пайдалану жөніндегі өтінімдерді қабылдау тоқтатылатынын мәлімдеді.
Ал осы күнге дейін берілген барлық өтінім жалпы тәртіппен қаралып, өңделеді.
-
Тұрғылықты жерін ауыстырған азаматтарға зейнетақы төлеу уақытша тоқтатылады
-
"Зейнетақы жинақтары төмен болып отыр": Тоқаев үкіметке жаңа тапсырма берді
Қаржы ұйымы зейнетақы жинақтарының артығын стоматологиялық емге пайдалану бойынша өтінімдерді қабылдау қайта басталған жағдайда, бұл туралы қосымша хабарланатынын нақтылады.
Стоматологиялық қызметтер үшін БЗТ-ны пайдалануды жоспарлап отырған азаматтар өтінімдерін 15 қыркүйекке дейін беруі қажет.
Еске салсақ, бұған дейін қазақстандықтардың "тіс емдету" үшін зейнетақы қорынан 200 миллиард теңге шешкенін хабарлаған едік.
"Екі күйеу жігіттің де есімі – Нұрсұлтан": Алматылық әпкелі-сіңлі бір күнде ұзатылып, ерекше той жасады
