Оңтүстік Корея Солтүстік Кореяның Ресейге әскер жібере бастағанын мәлімдеді
Оңтүстік Кореяның барлау қызметі Солтүстік Кореяның Украинамен соғысқа қатысу үшін Ресейге алғашқы сарбаздар партиясын жібергенін мәлімдеді. Бұл туралы Stan.kz ақпарат агенттігі ВВС-ге сілтеме жасап хабарлайды.
Фото: ВВС
Қиыр Шығыстағы ресейлік полигондарда (Владивосток, Уссурийск, Хабаровск, Благовещенск) 1500 сарбаз барған. Оларға орыс формасы мен жалған құжаттар берілген.
Украина президенті Владимир Зеленский бұған дейін Солтүстік Кореяның 10 мың әскерінің соғысқа қатысуы мүмкін екенін айтқан болатын. Ал дереккөздер 12 мың деп көрсетуде.
Украин барлау қызметі 11 мыңға жуық жаяу әскер Ресейдің шығысында дайындықтан өтіп, 1 қарашаға дейін дайын болуы мүмкін екенін жеткізді. 2600 әскерден тұратын алғашқы отряд Курск облысына жіберілуі мүмкін.
Сонымен қатар, КХДР зымыран офицерлері Ресейге майданда Солтүстік Корея зымырандарын қолдануға көмектесуде.
Спутниктік суреттерде әскер тасымалдайтын ресейлік кемелердің қозғалысы көрінеді
Оңтүстік Корея барлау қызметі Солтүстік Кореяның арнайы күштерінің Ресейге қоныс аударуын, сондай-ақ КХДР-дан әскер тасымалдайтын ресейлік кемелердің қозғалысын растайтын спутниктік суреттерді жариялады.
Бұған дейін Оңтүстік Корея мен АҚШ шенеуніктері Солтүстік Корея Ресейге баллистикалық зымырандар мен оқ-дәрілерді жеткізеді деп мәлімдеген болатын.
Алайда бұл ақпаратты Мәскеу мен Пхеньян растамай отыр. Алайда, NIS тамыз айынан бастап КХДР Ресейге 8 миллионға дейін снарядты қоса алғанда 13 мың қару контейнерін жібергенін мәлімдеді.
Ресей мен Солтүстік Кореяның тығыз байланысы халықаралық қауымдастыққа қауіптілігі талқыланды
Оңтүстік Корея президенті Юн Сок Ель барлау, армия және қауіпсіздік қызметтерімен кездесу өткізіп, Ресей мен Солтүстік Кореяның тығыз байланысын халықаралық қауымдастыққа қауіптілігін талқылады.
Ресей болса Солтүстік Корея әскери күштерін тартуға дайын екендігі туралы хабарламаларды жоққа шығарады. Алайда, өткен жылы КХДР мен Ресей арасындағы әскери байланыстар айтарлықтай нығайды. Маусым айында Путин мен Ким Чен Ын өзара қорғанысты қамтитын стратегиялық серіктестік туралы келісімге қол қойды.
Осы аптада Путин әскери келісімді ратификациялауды ұсынды. Оған сәйкес елдер "агрессия" жағдайында бір-біріне көмектесуге міндеттеледі.
Кейбір сарапшылар ынтымақтастықтың тиімділігіне күмәнданып, тілдік тосқауыл мен солтүстік кореялықтардың нақты тәжірибесінің жоқтығын атап өтті. Олар КХДР шекараның бөліктерін ғана қорғап, алдыңғы шепке Ресей әскерлерін жібреді деп санайды.