Төтенше жағдайлар министрлігі Өртке қарсы қызмет комитеті төрағасының орынбасары Ерлан Төрегелдиевтің айтуынша, Қазақстанда төтенше жағдайлардан тұрғын үйді міндетті сақтандыруды енгізу бойынша белсенді жұмыстар жүргізіліп жатыр.

"Бүгінде өрт кезінде үшінші тұлғаларға жарақат алғанда немесе қаза тапқандардың отбасына келтірілген зиянды өтеу тетігі жоқ. Сол үшін ірі сауда нысандарының иелерінің азаматтық-құқықтық жауапкершілігін сақтандыру жүйесін енгізу проблемаларды кешенді шешуге мүмкіндік береді. Біріншіден, зардап шеккендер арасында әлеуметтік шиеленістің туындау қаупі төмендейді. Екіншіден, ірі нысандар өрт қауіпсіздігі деңгейін арттырады", – деді Төрегелдиев.

Бұл талаптар 2028 жылға қарай қолданысқа енгізілуі мүмкін. Енді, ең алдымен, адамдар саны көп объектілер туралы айтып отырмыз.

"Төтенше жағдайлар министрлігі барлық нысанды, соның ішінде тұрғын үйлерді де сақтандыруды тетігін қарастырып жатыр. Бұл мәселені шешу үшін жұмыстар қарқынды жүріп жатыр. 2028 жылға қарай барлық нысан өрттен сақтандырылмақ", – деді Төрегелдиев.

Айта кетейік, бұған дейін елімізде баспананы апаттан міндетті сақтандыру енгізілетіні айтылған еді. Үкімет халықты табиғи апаттан қорғауға бағытталған тиісті заң жобасын әзірлеу туралы шешім қабылдаған.

Талқылау