Қазақстанның 2 мың ауылы енді Илон Масктың интернетімен қамтылады
Илон Масктың Starlink спутниктік интернеті елдегі тағы 2 мың ауыл мектебінде қосылады. Тізімді қазір Оқу-ағарту министрлігі бекітіп жатыр. Бұл туралы Stan.kz ақпарат агенттігі 24.kz сайтына сілтеме жасап хабарлайды.
Аталған отандық провайдерлер интернетке қол жетімсіз ауылдарда қолданылады. Қазіргі уақытта Starlink мүмкіндіктері тек он оқу орнында пилоттық режимде сыналуда. Нәтижесі қаңтар айында белгілі болады.
Күзде Осакаров ауданы Қарағайлы ауылдық мектебіне Starlink спутниктік интернеті орнатылды. Алайда мұндай жаңалықтан бүкіл ұстаздар қауымы хабардар болмады. Бастауыш сынып мұғалімі Татьяна Давыдова сабағында әлі күнге дейін өзінің модемі мен ноутбугін пайдаланады. Ай сайынғы тариф шамамен 9 мың теңге тұрады.
"Модем, өзімдікі. Жеке ақпаратпен жұмыс істеу ыңғайлырақ. Жалпы алғанда мектепте интернет жұмыс істейді", – деді бастауыш сынып мұғалімі Татьяна Давыдова.
Мектеп әлі қосымша кіру нүктелерімен жабдықталмаған, сондықтан Starlink тек бірінші қабатта жұмыс істейді. Бұл модем – 200 Мбит/с жылдамдықпен жұмыс істейтін "ғарыштық" масштабтағы Wi-Fi желісінің көзі. Интернет SpeedTest-тен өтті. Норма жүз мегабиттен жоғары. Бұл параметрлер қазір еліміздегі он мектепте бар. Министрлік қазір бірқатар критерий бойынша оқу орындарының тізімін жасақтауда.
"Біріншіден, бұл мектептердің техникалық мүмкіндіктері жоқ, 1500-ге жуық мектеп бар. 1447-сі ADCL технологиясын қолданады, ал 500-ге жуық мектепте радиобайланыс бар. Мұндай мектептерде байланысты арттыруға болады. Жалпы бұл мектептерде байланыс күшейеді, бірақ ол жер бедері мен географиялық орналасуына, ауа райы жағдайына байланысты белгілі бір үзілістермен жұмыс істейді", - деді Мәжілістің мемлекеттік қызметтерді цифрландыру және автоматтандыру департаменті цифрлық даму бөлімінің бас сарапшысы Абзал Жамбылов.
Пилоттық режимнің нәтижелері техникалық жұмыстар аяқталып, заңнамаға өзгерістер енгізілгеннен кейін белгілі болады. Starlink-ті тек мектептерде ғана қолдануға болады. Ал жеке мақсатта - заңсыз.
Он пилоттық мектептен бөлек, тізімге тағы екі мың білім беру мекемесін қосу жоспарда бар. Енді тиісті министрліктердің алдында тұрған басты міндет – барлық оқу кабинеттерін жергілікті желімен жабдықтау және ауыл мектептеріндегі интернет жылдамдығының көрсеткіштерін барынша жоғары деңгейге жеткізу.