Неке рәсіміне дайындалып жүрген қыздың тойына екі күн қалғанда қолын қолтырауын жұлып алды (фото, видео)
Джейми Фокс пен оның қалыңдығы Занела Африкадағы Замбези өзенінде қайықпен жүзіп жүрген. Осы кезде оларға алып қолтырауын тап беріп, қыздың оң қолын жұлып, сол қолын тістеп алған.
Бұл туралы Mirror басылымына сілтеме жасап Stan.kz хабарлайды.
Есі шыққан жігіт қалыңдығына көмектесуге тырысып, қолтырауынды қуып жіберіпті. Алайда бұл кезде қалыңдығы көп қан жоғалтқан еді.
Қыз бірден ауруханаға жеткізіліп, дәрігерлер оның өмірін аман алып қалды. Занела ауыр жарақат алғанына қарамастан, бірер күннен кейін болатын үйлену тойын кейінге қалдырғысы келмеген. Нәтижесінде аурухана басшылығы емдеу мекемесінің аумағында неке рәсімін өткізуге рұқсат берді.
Бір қолынан айырылған Занела неке рәсіміне ақ көйлек киіп шықты.
«Бұл нағыз махаббат хикаясы. Және бұл олардың бір-біріне деген махаббатын дәлелдейді. Олар үшін қолтырауын шабуылының еш маңызы болған жоқ. Аталған оқиғадан кейін екеуінің бір-біріне деген сезімі артпаса, кеміген жоқ», – дейді куәгер.
Оқи отырыңыз:
Тұрғындар тасқын кезінде кәріз жүйесіне түсіп кеткен баланы құтқарды (видео)
Шайтанға табынушылар жан түршігерлік рәсімді орындап, 6 баланың анасын құрбандыққа шалған (фото)
Үйсіз қаңғып жүрген ер адам жағажайда өзіне сарай тұрғызып алды (видео)