Назарбаевқа ота жасаған хирург Ұлттық ғылым академиясының академигі атанды
Қазақстанның экс-президенті Нұрсұлтан Назарбаевқа ота жасаған кардиохирург Юрий Пя Ұлттық ғылым академиясының мүшесі болды. Бұл туралы Stan.kz ақпарат агенттігі хабарлайды.
Фото: maslihat01.kz
Оның тағайындалғаны туралы ақпаратты Назарбаев университеті мәлімдеді.
Қазіргі уақытта Пя университеттегі астаналық "University Medical Center" (UMC) корпоративтік қорын басқарады. Сонымен қатар медицина ғылымдарының докторы. Ол 2023 жылдың қаңтарында Қазақстанның тұңғыш президенті Назарбаевтың жүрегіне ота жасаған.
Ұлттық ғылым академиясына кардиохирургпен бірге Назарбаев Университеті Инженерлік және цифрлық ғылымдар мектебінің профессоры Жұмабай Бәкенов қосылды.
"Медицина және денсаулық сақтау саласы бойынша академик болып Юрий Пя, жаратылыстану ғылымдары, техника және технологиялар саласы бойынша Жұмабай Бәкенов сайланды", – делінген хабарламада.
Айта кетейік, бұған дейін Ғылым және жоғары білім министрі Саясат Нұрбек президенттің шешімімен жаңа Ғылым академиясы құрылғанын айтқан еді. Қазір оның құрамында тоғыз академик бар екенін, ал бұрынғы тізімнің күші жойылғанын айтқан. Сондай-ақ министр бұл тізімнен экс-президент Нұрсұлтан Назарбаевтың алынғанын хабарлаған.