Бұдан былай Тоқаев лауазымды тұлғаларды Назарбаевтың келісімімен тағайындайды
Қазақстан президентінің баспасөз хатшысы Берік Уәли Қауіпсіздік Кеңесінің басшысы Нұрсұлтан Назарбаевтың өкілеттіктерін кеңейту туралы жарлыққа түсініктеме берді.
«Бұл құжат бұқаралық ақпарат құралдарында түрлі пікірлер мен түсіндірулерге себеп болды. Менің ойымша, бұл президенттің кезекті жарлығы. Қол қою 2018 жылдың шілдесінде қабылданған Қауіпсіздік кеңесі туралы жаңа заңның ережелеріне байланысты. Заң осы коллегиалды органның өмір бойы басқаратын тұңғыш президент елбасы Нұрсұлтан Назарбаевтың өкілеттіктерін күшейтуді көздейді», - деді Берік Уәли.
Айта кетейік, Мемлекет басшысының 2019 жылғы 9 қазандағы «Қазақстан Республикасы президентінің кейбір актілеріне өзгерістер мен толықтырулар енгізу туралы» жарлығына сәйкес Қазақстан президентіне тікелей бағынатын және есеп беретін органдардың басшыларын тағайындау Қауіпсіздік Кеңесінің басшысымен де келісілуі керек.
Тағы оқыңыз: Нұрсұлтан Назарбаев жайлы қызықты 12 дерек