«Әрине, бір нәрсені бастағанда күдіктенесің, кез келген жағдайда күдік болады ғой. Дегенмен, күдік арқылы шешімге келесің, содан алға қарай жылжи бастайсың. Біз Конституцияны 1995 жылы қабылдадық. Содан бері 22 жыл өтті. Ол уақыт дәуірмен пара-пар. Себебі қазіргі заманда көп нәрсе жылдам өзгереді. Заңдар да, негізгі заңымыз – Конституция да қатып қалмауы қажет. Ол да уақыт талабына сай өзгеріп тұруы тиіс. Соңғы өзгертулер алғашқы түзетулер сияқты емес.

Бұған дейін де біз Ата заңымызға бірқатар өзгерістерді енгізген едік. Дегенмен, соңғы түзетулердің орны бөлек», – деді Н.Назарбаев отандық БАҚ өкілдерімен болған кездесуде.

Мемлекет басшысының айтуынша, билік тармақтарын өзара тарату аясында Президенттің 35 өкілеттілігі Парламент пен Үкіметке берілді. Соның арқасында екі органның рөлі де, жауапкершілігі де арта түсті.

«Әйтпесе, бәрін Президентке жаба салған жеңіл еді. Бірдеңе шықпай жатса да, «Президент айтты!» деп жүре береді. Сонда өздері ұсыныс жасамайды. Жеңілдің астымен жүргенге әбден үйреніп алды. Кеңестер кезінде де солай болды. Бірдеңе жетпей жатса, Мәскеуден сұрап аласың да, бүкіл жауапкершілікті орталыққа жүктей саласың. Біреу бірдеңе десе, Мәскеу жаққа сілтейсің. Сол себепті біз Конститутциямызға өзгеріс енгізіп, Үкіметтің өкілеттілігін кеңейттік.

Әрине, оның құзіреті де, жауапкершілігі де артады. Парламент болса, заң шығарушы орган ретінде атқарушы билікті бақылауды күшейтеді. Меніңше, ол дұрыс шешім болды. Енді, оны уақыт көрсетеді», – деп атап көрсетті Елбасы.

Оқи отырыңыз:

Ахметжан Есімов “Самұрық-Қазына” Қоры басқармасының басшылығына тағайындалды

Қазақ жігіті Тиматидің компаниясында үздік қызметкер атанды

Экс-депутаттың зорлығына ұшырадым деген ШҚО тұрғыны халықтан көмек сұрады (видео)

Меруерт Түсіпбаева қарияға ұрысып, залдан қуған Төреғали Төреәліні сынап тастады

Талқылау