Мусин Астанада Тоқаевтың инаугурациясынан кейін интернет неге өшірілгенін айтты
Цифрлық даму, инновациялар және аэроғарыш өнеркәсібі министрі Бағдат Мусин Астанада 26 қарашада мобильді интернет неге өшкенін түсіндірді деп хабарлайды Stan.kz ақпарат агенттігі ҚазАқпаратқа сүйене отырып.
"Сол күні кешкі тоғыз шамасында Мемлекеттік техникалық қызметі тиісті ақпарат берген еді. Олар тиісті интернет шлюзді қадағалайды. Сол интернет шлюзге берілетін электр қуаты жүйелерінде ақау болған. Осының салдарынан интернет шлюздің жұмысы тоқтап қалды. Электр жабдықтары іске қосылған соң интернет қайтадан қосылды", – деді Бағдат Мусин Сенат отырысынан кейінгі баспасөз мәслихатында.
Интернеттің өшкен уақыты заңсыз митинг өткен уақытқа тұспа-тұс келді. Бұрын Мемлекеттік техникалық қызмет те ақау болды деп хабарлаған еді.
26 қарашада Астанада митинг өтті. Сот оны заңсыз деп таныды. Митингіні кәсіпкер Марат Әбиев ұйымдастырған. Сот оны 15 күнге бас бостандығынан айырды.
"Разы болмаймын": Қазақстандық әйел офисінің жанына киіз үй тігіп, мәйіт қойған көршілерінің әрекетіне шағымданды (видео)
Оқиға 16 шағынауданда орналасқан Несібелі тұрғын үй кешенінде болған
"Екеуі екі-үш күн қатарынан жанжалдасып, соңы осындай болды": Шымкентте 21 жастағы қыздың өліміне қатысты көршілері көргендерін айтты
Динара Тілеубердиева: "Беті, қолы, арқасы, ішінің бәрі қатты жарақат алған"