Демалысын пайдаланып Ерке Есмахан Алматы метросына өмірінде бірінші рет отырған. Артынша сол жерде суретке түсіп, оны инстаграм желісіндегі парақшасына салған. Суреттен жұрттың Ерке Есмаханға еш назар аудармағанын байқауға болады.

“Ару Алматы мендегі ең тәтті естеліктермен байланысты. Аяулы арманым орындалған мекенім де – Алматы. Бүгін Алматы метросына алғаш рет міндім. Кептелістердің “астымен” біраз шаруа тындырдым. Әрі мына ыстықта ыңғайлы көлік екен. Қысқасы метро ұнады!” – дейді Ерке Есмахан.

Суретті көрген желі қолданушылары түрлі пікір білдірді. Бірі әншіні қоғамдық орында үй киімімен жүр деп сынаса, енді бірі оның әрдайым сәндегі киімдерді ғана киетінін айтқан.

“Аяғына үй аяқ киімін киіп алғаны несі”, “Сіз тұруға тыйым салынған жерде тұрсыз ғой”, “Үй киімімен жүрсе кім танысын?!”, Ұйқылы ояу үйден шығып кеткен жоқсыз ба?” сынды жағымсыз пікірлер білдірген.

Мұнымен қатар,”Қыздар, бұл үй ішінде киіп жүретін аяқ киім емес. Жаңа буынға арналған сәнді аяқ киім. Неге осылай орынсыз киліге бересіңдер. Ерсі ештеңе көріп тұрған жоқпын. Өзіне әп-әдемі жарасып-ақ тұр” деп жақтап сөйлегендер де болды.

Жіберіп алмаңыз:

Ерке Есмахан тыңдармандарынан қателіктерін бетіне баспауды сұрады

Ерке Есмахан “бөтелкеден су ішем” атты эстафета бастады (видео)

Ерке Есмахан: Ұсыныс жасағандар көп, қайсысына шықсам екен

Қабатов татуласқан Ерке мен Төреғалидің продюсерлерін әжуалады (видео)

Талқылау