Алғашқы жеңімпаз спорт комментаторлары арасында анықталды. Бұл номинацияда Әлімжан Асқар “Ең үздік комментатор” атанды. Setanta sports және QSport арналар желісінде бірнеше жыл комментаторлық қызмет атқарған Әлімжанның қазір YouTube желісінде қазақ және әлем футболын талқылайтын “Соққы және гол!” арнасы бар екенін айта кетейік.

“Ең үздік бапкер” аталымында Қазақстан ұлттық құрамасының және жасөспірімдер командасының бас бапкері Пауло Рикардо Кака жеңіске жетті. Ұлттық құраманы 2018 жылдан бері жаттықтырып келе жатқан маман биыл Қазақстан командасын Еуропа чемпионатына іріктеуде финалдық кезеңге тікелей алып шыға алмаған еді. Алайда 2021 жылғы әлем чемпионатында төртінші орын алған болатын.

Metaratings Top Awards нұсқасы бойынша жылдың “Ең үздік спортшысы” премиясын футболшы Нұрәлі Әліп жеңіп алды. Қорғаушы қазіргі таңда ресейлік “Зенит” футбол клубының және Қазақстан ұлттық құрамасының ойыншысы.

“Ең үздік спортшы ару” аталымын Ақмарал Науатбек иеленді. Спортшы 2024 жылы Парижде өткен паралимпиада ойындарында дзюдодан алтын жүлде иеленген тұңғыш қазақ қызы болған еді. Отандасымыз статуэтканы Бразилия ұлттық құрамасының аңызына айналған Кафудың қолынан алды.

Футболдан QJ League Metaratings Top Awards премиясының үш бірдей номинациясында жеңіске жетті. Лига “Ең үздік спорт ұйымы”, “Ең үздік маркетинг” аталымында жеңіске жетсе, ұйымның президенті Тимур Турлов “Ең үздік спорт менеджері” болды.

Әлімжан Тасболатұлы – спорт журналистері арасында ең үздік атанды. Ал блогер Archiball “Ең үздік спорттық блог” номинациясын жеңіп алды. Сондай-ақ “Ең үздік спорттық БАҚ” жүлдесін “Спорт Шредингера” порталы иеленді.

Ұлттық құрамалар арасында Қазақстан футзал құрамасының шоқтығы биік болды. “Ең үздік команда” болып Кака шәкірттері танылды.

Талқылау