Маңғыстауда газ өңдеу зауытының басшысы жемқорлық жасады деген күдікке ілінді
"Қазақ газ өңдеу зауыты" ЖШС директоры жемқорлық жасады деген күдікке ілінді. Бұл туралы Stan.kz ақпарат агенттігі хабарлайды.
Фото: kgm.kz/Болат Байшуақов
Маңғыстау облысы бойынша сыбайлас жемқорлыққа қарсы қызмет "Қазақ газ өңдеу зауыты" ЖШС директорына қатысты сотқа дейінгі тергеу жүргізіп жатыр. Ол аукцион өткізбестен заңсыз сату арқылы кәсіпорынның мүлкін аса ірі мөлшерде жымқырды деген күдікке ілінді.
“Залал сомасы 65 млн теңгеден асады. Соттың санкциясымен күдікті қамауға алынды. Тергеу жалғасып жатыр”, – делінген хабарламада.
2023 жылдың ақпан айында "Қазақ газ өңдеу зауыты" ЖШС директоры қызметіне Болат Байшуақов тағайындалған.
Еске салсақ, осыған дейін Алматыда тау етегіндегі құрылыстарға қатысты сыбайлас жемқорлық әрекеттері анықталғаны туралы жазғанбыз.
Талқылау
Биыл қай салаға қанша грант бөлінді: Қазақстанда сұранысқа ие мамандықтар аталды
Инженерлік, су және энергетика, жол құрылысы, көлік, әуе жолдары мен темір жол саласындағы мамандар қажет
"Мені қазақ емес деп ойлайды": Желіде Қазақстан туралы айтып жүрген америкалық жігіт көпті тәнті етті
Саят: “Туған әкем қазақ, бірақ көбі америкалық әкемді көріп мені жартылай қазақ деп ойлайды"