Маңғыстау облысында бір отбасы газға уланды: Екі бала қаза тапты
Маңғыстау облысы Мұнайлы ауданы Ақтау қаласына жақын жерде орналасқан тұрғын алабында үш адамның өмірін қиған қайғылы оқиға болды. Мәліметтерді жергілікті билік растады. Бұл туралы Stan.kz ақпарат агенттігі хабарлайды.
Фото: Pixabay.com
Маңғыстау облысы төтенше жағдайлар департаментінің мәліметінше, 23 ақпанда Мұнайлы ауданында орналасқан "Қаламқас" тұрғын алабында өрт болды.
Бір отбасының төрт мүшесі көмірқышқыл газынан уланған. Оқиға орнында үш адам қаза тапты, оның екеуі – жасөспірім. Бір адам аман қалды. Ол ауыр халде облыстық көпсалалы ауруханаға жатқызылды.
Мұнайлы ауданы әкімдігінің баспасөз қызметі марқұмдардың отбасына материалдық көмек көрсетілгенін хабарлады. Басқа да қажет қолдау шаралары қабылданды дейді.
Алдын ала болжам бойынша, үйдегі жылыту пешінің мұржасы болмаған. Осының салдарынан улы газ сыртқа шықпай, үй ішіне жайылған.
Еске салсақ, Қостанай облысында балалар мен олардың атасы улы газға уланып қаза болған еді.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған